陳法拉讚張家輝屬稱職導演 分享獨門上鏡瘦面絕招

陳法拉讚張家輝屬稱職導演 分享獨門上鏡瘦面絕招

陳法拉早前為咗宣傳同張家輝主演嘅新戲《贖夢》，專登由美國返香港三日，行程來去匆匆，可以睇得出法拉對套戲嘅重視，雖然係第一次同家輝合作，但法拉就對呢位導演有好高嘅評價：「佢係好清楚自己嘅劇本，自己想點拍，自己點演，所以我就畀佢帶住去做。」法拉話因為家輝自己都係演員出身，所以對畫面嘅要求好精準。

戲中法拉飾演精神病患者，仲有跳樓戲份，無論情緒或者肢體演繹方面都好高難度，法拉話拍攝嘅時候自己確實好驚，不過好彩家輝好保護演員，所以都好順利完成拍攝。

因為角色需要，家輝同法拉開拍前都需要減肥，不過同家輝相比，法拉就自歎不如啦！法拉話因為拍攝期間去咗法國過聖誕，所以冇辦法減肥，反而家輝好自律。不過法拉就話有絕招，可以令自己上鏡睇上去瘦啲。

近年法拉跨足國際影壇，對劇本更加精挑細選，不過如果有適合嘅角色，法拉都好樂意返香港拍戲：「睇劇本、睇時間、睇檔期、睇導演、睇天時地利人和。」法拉話拍戲都好睇緣份，總之嚟緊嘅工作計劃就係一切隨緣。

#陳法拉 #張家輝 #贖夢 #精神病患 #跳樓戲 #法國過聖誕 #瘦面絕招 #國際影壇 #天時地利人和 #工作隨緣 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0