Komuniteti rom nuk varros dot të afërmit (16 Dhjetor 2003)

Lajme Arkiva 2003

Gruaja rome: S’kishim ku ta varrosnim dhe hapëm vetë një gropë, kishim edhe barakën atje, japim gropën e futëm plakën brenda. Pas disa kohësh ikëm e lamë plakën atje. U bën varreza shumë dhe nuk e kemi gjetur pastaj.

Të jesh rom nuk vdes dot në Tiranë, një komunitet që jeton prej vitesh, por që shumica nuk figuron gjëkundi. Janë të regjistruar dhe të vegjlit nuk kanë certifikata lindjeje. Nuk janë të përjetshëm që nuk njohin vdekjen.

Të rriturit nuk përfitojnë ndihmë ekonomike. Nuk kanë asgjë, por edhe në raste fatkeqësie nuk gjejnë as varr.

Vajza rome: Unë jam 18 vjeçe jam pa regjistrim. Kalamajtë i kam të paregjistruar, vëllezërit të paregjistruar dhe tani ne nuk e dimë se ku e kemi adresën fare. Për ilaçet, që ti marr ilaçet me gjysmë çmimi nuk i marr dot se nuk janë të regjistruar. Mua po më vdiq fëmija më ngel sipër tokës. Se nuk kam letra, nuk kam regjistrim për fëmijët.

Gazetarja: Ju ka ndodhur ndonjë rast deri më tani që nuk keni patur ku ta varrosni?

Vajza rome: Po, ka ndodhur. Ka ndodhur shumë. Ka ndodhur që kanë marrë certifikata, dokumente të të tjerë ve varrosnin fëmijën e vet. Ka ndodhur kjo.

Në dy anët e Lanës jetojnë 115 familje të romëve. Një pjesë kanë ardhur nga rrethet dhe nuk kanë bërë as pasaportizimin këtu. Vuajnë mungesën e vendit, por edhe të parave që kërkon ky proces.

Gruaja rome: Burri ka qenë në internim në Lushnje, dokumentet ishin atje s’kishim me çfarë të shkonim. Këtu prapë duheshin lekët e pasaportizimit.

Gazetarja: Sa lekë duhen për këtë gjë?

Gruaja rome: Po 60 e ca mijë Lekë kërkonin këtu, jo rruga, jo certifikatat, shkojnë shumë.

Djali: Më kanë kërkuar fillimisht këtu në Tiranë 62 mijë lekë, një avokate. Në fakt nuk doja t’ia jepja asaj se është noteriste dhe avokate. Nuk doja t’ia jepja asaj Lekët se dija ç’do bënte pa e njohur pa gjë. Tani do iki vet të shkoj ti marr dokumentet e duhura, certifikatat familjare për ti dorëzuar.
Kërkohet vëmendje edhe për ta, ndryshe lagjja rome do të mbushet me kufoma, pavarësisht se faji është i tyre. Mos regjistrimi i tremb.

Gruaja rome: E drejtë nuk është që ne nuk kemi varreza si gjithë të tjerët. Ne duam që si këta që varrosen në shesh Tufinë edhe tanët të varrosen atje, po ne nga që jemi gabel, kur vdesim na varrosin nëpër kanale. Mbase do duhet ndonjë gjeneral i ushtrisë së vdekur rome që të mësojmë se këta kanë jetuar dhe luftuar për të ndryshuar realitetin./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/