ازاي عالجت تساقط الشعر نهائيًا

بتعاني من تساقط الشعر؟ طب تعالي
لازم تعرفي ان تساقط الشعر ليه اسباب مختلفة كتير، منها اسباب مرتبطة بنقص بعض انواع المعادن والفيتامينات زي مثلا
فيتامين د وده سهل نتأكد منه عن طريق التحاليل او الاعراض
او نقص البي فيتامينز اللي منها فيتامين ب7 اللي هو البيوتين وده عنصر اساسي في تكوين الشعر، وده نقدر عن طريق تناول الخميرة الغذائية
لو تساقط الشعر بدأ معانا بعد ماخدنا انتي بيوتكس فده معناه ان بكتيريا الامعاء عندنا تم تدميرها تماما ومحتاجين ناخد بروبيوتك أو الاطعمة الغنية بالبروبيتك زي المخمرات، وده على فكرة بيكون سبب لنقص البي فيتامينز
والسبب الاشهر هو نقص الحديد او الانيميا، والحل هنا مش اننا ناخد مكملات الحديد خالص، الحل اننا نهتم بالبروتين الحيواني في اكلنا
طيب لو انا باخد بروتين حيواني كفاية ولسه شعري بيقع؟ يبقى انا بعاني من سوء امتصاص البروتين والحل في الحالة دي اني احسن امتصاصه عن طريق ان انا اخد فيتامين سي والانزيمات الهاضمة
تعويض العنصر الناقص عندك هيكون الحل الفعال لوقف تساقط الشعر