WASIIRKA ARRIMAHA DIBADDA SOOMAALIYA AMB FIQI OO KHUDBAD KULUL UJEEDIYEY QAAR KA MID AH ODAYAASHA

WASIIRKA ARRIMAHA DIBADDA SOOMAALIYA AMB. FIQI OO KHUDBAD KULUL UJEEDIYEY QAAR KA MID AH ODAYAASHA DHAQANKA SOOMAALIYEED.
Wasiirka Arrimaha Dibadda Soomaaliya Amb. Axmed Macallin Fiqi oo khudbad lagu soo gebagebaynayo kulan guud oo ay lahaayeen qaar ka mid ah odayaasha dhaqanka beelaha Soomaaliyeed ayaa waxaa uu si addag uga hadley mid ka mid ah mas'uuliyiinta midowga Afrika, mid ka mid ah Ra'iisul Wasaareyaashii hore dowladda Soomaaliya iyo Eng. Faysal Cali Waraabe oo ka tirsan gooni goosatada gobolada woqooyi ee Soomaaliya.
"Kooxaha arragagixisada ah oo awal Soomaali ay u haysatey cadow Soomaali oo dhan ka dhaxeeya in ay yihiin, in kastoo ay yihiin haddana gees ka gees isaga soo gurmanayaan hal deegaana ku soo aruurayaan" ayuu yiri isagoo sii hadlaya waxaa uu intaa ku darey
"Meeshaas, ma buuro dahab ah baa laga qodaa ama ku yaal, meeshaas ma waxaa yaala wax aan deegaanada kale oolin....!" ayuu su'aal ahaan u soo jeediyey.
Wasiir Fiqi waxaa uu si weyn u soo dhaweeyey ujeedka shirka la isugu yimid iyo gunaanadka qodobada ka soo baxay. Wasiirku waxaa uu ku dheeraadey dhibaatada ay ku hayaan kooxaha arragagixisada bulshada Soomaaliyeed gaar ahaan dadka dega gobolada Bannaadir, Shabeelada dhexe, Hiiraan, Galgaduud iyo sida ay uga soo horjeedaan horumarka bulshada.
Wasiir Fiqi waxaa uu soo qaatey tusaalooyin kala duwan isagoo ka hadlaya waxaaa uu yiri " Faysal Cali Waraabe waad arkeyseen shaley wuxuu qorayey Xamar bisha soo socota iyo bisha ku xigta, Alshabaab waa guuleysteen Xamar bey qabsadeen!! Wiilkiisiina Xuseen mid la yiraahdo dagaal siiriya ayaa lagu diley. isagiina Al-shabaab buu ku biirey hadda....!!"
Wasiir Fiqi mar uu ka hadlayey Ra'iisul Wasaarihii hore ee dowladda Soomaaliya Saacid hadal uu hore koox taageerayaashiisa ah uu u jeediyey ayaa waxaa uu yiri "Nin seedigeen ah baa maanta yimid, Xamar labada koontarool baa dhufeys lagaga jiraa buu iska yiri xitaa Xamar ma arkin....!!"
"Ninkii amniga siyaasadeeya waa loo jawaabayaa. Ra'iisul Wasaareheenii hore maanta waxaan ka rabney, in uu yiraahdo safka hore ayaan istaagayaa oo ciidamada ag istaago. Maanta in uu shabaab inoo soo horkaco oo labada koontarool baan keenayaa Wallaahi kamaanan fileynin!!" ayuu yiri
Wasiir Axmed Macallin Fiqi mar uu ka hadlayey arrimaha beesha caalamka gaar ahaan xerada Xalane maadaama uu yahay Wasiirka Arrimaha Dibadda
" Halkaan rag noo jooga baa jira oo waayahan oo dhan Xalane noo jooga oo iyaguna isku jira. Qaarna halganka socda taageero iyo garab u yihiin oo diyaarado iyo ciidanka taakuleyntooda ay bixinayaan waa bogaadineynaa. Kuwo kale oo mushaar u soo doontey oo iyaguna faafiya been ayaa jirta oo dhahaya shabaabkii dabeecadii bey iska bedeleen sidii dowladnimo ayey u dhaqmayaan hadda dadkii dilimaayaan, cadaadiskii waa joojiyeen, cuna qabateyntii waa qaadeen. Ninka ATMIS-ta hogaamiya, ku xigeenkii hore ee hadda xilka siihaya ayaa ka md ah. Koleey talaabo ayey dowladdu ka qaadi doontaa oo Reports UN-ka u gudbiyey....!!"
W/D: Maxamed Macallin Cismaan (All-man) Minnesota USA.