《港馬攻略》EP311 - 大賽論戰攻略：臯月賞（日本二千堅尼）2025

隔咗一年，日本三歲三冠首關臯月賞又有得睇喇！今年繼續會有十八匹三歲雄馬力爭冠軍名銜，究竟邊匹可以先聲奪人？

Sunday Racing對上一次贏臯月賞，係三年前嘅「地標圖形」，今年佢哋就四路興兵，睇嚟好立心想再贏，當中又以「北十字星」同埋「博物街」兩匹呼聲最高。「北十字星」係應屆希望錦標冠軍，而且到而加未輸過，今次作2025年復出首戰即跑臯月賞，唔使熱身都分分鐘可以贏馬延續不敗紀錄！

至於佢嘅同主馬「博物街」，亦係應屆朝日盃未來錦標嘅亞軍，上場就已經喺年內復出咗，喺彌生賞跑第四其實要錯嘅都錯晒㗎喇，今次就改配莫雷拉，雷神啱啱上星期就已經憑「巧繡生花」贏咗櫻花賞，唔通可以幫「博物街」贏埋臯月賞？

除咗Sunday Racing之外，今場都匯集咗好多名氣綵衣，其中一件就係來自馬主藤田晉，今年憑住「青春永駐」贏沙特盃嘅佢，今屆就會有未敗之師「艾里王」出戰，雖然喺贏完京都兩歲馬錦標之後有啲傷患，但既然出得嚟跑，應該都係做足準備啩？

DMM以往曾經有「唯獨愛你」贏過日本橡樹大賽，但就未染指過雄馬大賽，「飆風王」就成為佢哋今屆嘅希望，春季錦標受天雨影響都上到名，喺正常場地會唔會再好啲？「耀目帝」雖然唔係名牌綵衣，但佢上次喺彌生賞末段追得十分勁，佢分分鐘可以成為今屆黑馬㗎！「里見」系今年有「里見夢境」贏咗高松宮記念，未盡成熟嘅「里見照耀」能唔能幫馬主再下一城？即刻去片，等兩位主持同大家一齊分析2025年臯月賞啦！

========================================================

Facebook :   / racinghottalk  
IG：  / racing.hot.talk  

========================================================
All credit goes to original owners for any videos or photos used in this channel.

#港馬攻略RacingHotTalk #香港賽馬 #賽馬 #海外賽馬 #日本賽馬 #皐月賞 #日本二千堅尼 #中山競馬場 #北十字星 #博物街 #艾里王 #飆風王 #耀目帝 #里見照耀 #SatsukiSho #NakayamaRacecourse #CroixDuNord #MuseumMile #EriKing #KingSquall #AlohiAlii #SatonoShining #クロワデュノール #ミュージアムマイル #エリキング #キングスコール #アロヒアリイ #サトノシャイニング