حول بنامر ياولد نامر | محمد الرويبخ | جفران بن هضبان 2022

البارحه والليل مدويً بي وانا مثل السجين
ولاقدمي الا دلةً تذعر وبراد وتمر

من ثقل مافي صدري من اعزوم وخلاصً دفين
ازريت ادور لي وانا ابو وجد مركى لو حجر

رزيت كوعي في صفاة صمه وقامت تلين
وقفيت ولكوعي مقرً يستقر ابه المطر

قامت تكامخ غرب الابيات والهاجس يالين
حتى الهوى لا مرني قمت اسمع ف صوته شعر

افكاري اللي كنها ابرة سجة للمبدعين
لاقمت اغني كنها تضرب مخدر وتخدر

غرً ( منابتها ) تحت زر النحور بقفلتين
وبراقها راسً مايبرق غير في قفر ً بكر

ان طاول الايام بعرامً ما تخليه السنين
ونرهي ونقدم ونتجمل ونتفاخر ونحضر

ان قل ما فاليد تعذرنا وعذر الله سمين *
وان كثرت الدنيا حطبناها ع رحب وقدر

عزً ما يضربه ثنا مثل الهدب من دون عين
وراس مايقدح لو تشب النار ف ذنه ما دجر

والطيب اليا طاب فينا لايموت ولا يشين
حيً يالين القرن ينفخ به لونه في قبر*

على مديحه نخلي المدحه ونبلج حاجبين
وعلى عيوبه كن ما فينا لا سمع ولابصر

نسمك له من امداحنا اللي ترفعه للفرقدين
ونحط له بين الظلوع العوج منزال ومقر

يابو سعد شوش براسً لاعتزى بالعزوتين
كن الاراضي ترتجف وتميل من ثقل البشر

انت ولدً عودً تراحيبه قناد الطيبين
ليا تكلم ما زهف وليا تجمل ما ذخر

راعي حِلالً توهف بطيب الثنا للغانمين
وراعي بعيرً ما بعد قيد وليا سبل عمر

يفداه من لا طرو بعيره بدا وجهه يشين
راح وشراله دفترً طوله ودور له عذر

ون جا ولاد الابل وخذت إلك شهر والا شهرين
ابلشك بالجوال دور لي لحيرانه صور

ازرى يسوى مثل ربعي في وجيه المنتجين
اللي يرحب واللي يقول الذبحه فالقدر

اعقاب ابو لحي يهدر وقلط ع سمن وسمين
الكيف يذعر والمجامر ما تغيض من الجمر

ياليل لونك دفرت الشمس بالجنب المتين
نار الهضابين اتوهجر واتشعق من عصر

اتقول تفتق خدة الغدرا بطيب الاولين
نارً سناها للضيوف يجيلها خمسة متر

حول ب نامر ي ولاد نامر وزاعمهم يالين
يدرون وش فرق الدراهم لا لقت راس ونظر*

بالارخم اللي لو تحط الخام في جنبه يبين
كنك تصب الغيم ف جنوبه ع روس الوبر

متسندً من كبريا طيشه لامر اللجنتين
يلد للقعدان في جنبه ويسمك ويهدر

يابو سعد عاند ومن عاندك قله كلمتين
ميعادنا في صالة الملاك كان الله ومر

معك العزاوي ياخو نادر من يسار ومن يمين
ومعك الحزام اللي ما يلبس غير للموت الحمر

قدام اخو نورة لايبدي له ع المصمك جبين
وقدام لا يضرب مراغتها بعزمً ما قصر

حنا سهوم الموت يوم ابليس ما يبغا عوين
وحنا مقاليع النفوس البيض من عظم النحر

برماحنا اللي تشقر ثغاب المناحر شقرتين
وبسيوفنا اللي تفطر كبود الاعادي من دجر