მოლაპარაკებები სამშვიდობო შეთანხმების პირობებზე

პროგრესი მიღწეულია, თუმცა გარკვეული საკითხები ისევ შეუთანხმებელია. აშშ-ის და უკრაინის პრეზიდენტების შეხვედრაზე ომის დასრულების კონკრეტული დრო ვერ განისაზღვრა, მაგრამ მხარეები თანხმდებიან, რომ მშვიდობა უფრო ახლოს არის. უკრაინული მხარე ამტკიცებს, რომ შტატებთან მოლაპარაკების დროს უსაფრთხოების გარანტიები შეთანხმდა, თუმცა დონეცკის და ლუგანსკის რეგიონებში ტერიტორიების კუთვნილების საკითხზე საბოლოო შეთანხმება ჯერ კიდევ არ არსებობს. ომის დასრულების ხელშესაწყობად, დონალდ ტრამპი მზადყოფნას გამოთქვამს უკრაინაში ჩავიდეს და რადაში სიტყვითაც გამოვიდეს. სამშვიდობო პროცესის პარალელურად, რუსეთის ლიდერი ქვეყნის თავდაცვის ძალებს შეტევის გაგრძელების დავალებას აძლევს. მოსკოვი, უკრაინის ხელისუფლებას რუსეთის პრეზიდენტის რეზიდენციაზე დრონებით თავდასხმის მცდელობაში ადანაშაულებს, იმის მიუხედავად, რომ ოფიციალური კიევი მსგავს ფაქტს კატეგორიულად უარყოფს. როგორც ირკვევა თავდასხმის შესახებ ვლადიმირ პუტინმა დონალდ ტრამპს ინფორმაცია, მორიგი სატელეფონო კომუნიკაციის დროს მიაწოდა. მოსკოვი საპასუხო ქმედებებს აანონსებს. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.