باجر تصير العبره من فوك النار ،،، وغير الجسر المحدد مامش معبار خليل الصلفيج

باجر تصير العبره من فوك النار
وغير الجسر المحدد مامش معبار
@@@
١ باجر تصير العبره وتشوف العين
حاضر كلشي سويته من زين وشين
أنتا مخير يبن أدم مابين أثنين
جنك عاقل احسبها وشوف المقدار
@@@
٢ باجر تصير العبره وياويل الويل
من شدت ذاك الموقف ينهد الحيل
يسلم منها المتبتل في جوف اليل
ومأمن بلموعود وماعنده نكار
@@@
٣ باجر تصير العبره والناس بشوم
تلكة زفرة جهنم غايلها يعوم
أهل إلمعاصي إلواحد بالثاني يلوم
هذ بأس إلتخاصم بين أهل إلنار
@@@
٤ باجر تصير العبره والناس تصيح
يومن تزلك رجليها ومن فوك أطيح
بس البايع محمد يعبر كل ريح
يعبر مأمون إبراحة وتحفة إنوار
@@@
٥ باجر تصير العبره والناس أفواج
وعلى شاطي جهنم وتغور أمواج
بس البايع محمد ينطونا فراج
ألا العاصي الما طبق نص القرار
@@@
٦ باجر تصير العبرة والناس إبظيج
تشوف إلعالم بإلشوم ويبسان إلريج
بس إليتبع محمد حصل تفريج
وإلي يتبع محمد وية الابرار
@@@
٧ باجر تصير إلعبرة وتشوف إلناس
تمشي مثل إلسكارا ورياج يباس
تلكة إلعالم بإلموقف إلشكال إجناس
كل واحد حك إعمالة مشيلينة إوزار
@@@
٨ باجر تصير إلعبرة وياسوء إلحال
تلكة إلعالم حيرانة وتلكة إلاهوال
لا ولدك ينفعونك غادي والا مال
همّا إلظلو وراك وإنتة بإلنار
@@@
٩ باجر تصير العبره وإلناس إتلوم
كلمن يلكة مصيرة أمرة محتوم
مييز ما بين إلجان يصلي ويصوم
وما بين إهل إلشقوا وإهل إلانوار
١٠ باجر تصير العبرة والناس تخاف
يومن جهنم ما إلها إطراف
إهل إلتقى وإهل إلإنصاف
جازوها بلحظة ولمحة إلأبصار
@@@
١١ باجر تصير العبره وكلشي بحساب
لا ولدك ينفاعونك غادي ولا الاصحاب
جنك صافي السرير ومنتا جذاب
أتبع محمد تحشر ويا الأبرار
@@@
١٢ وإوصلي وسلم يا ربي على إلحبيب
أحمد شفيع إلامّة بيوم إلمريب
ثم آلة وإصحابة معدن إلطيب
خصة من إهل إلهجرة وجمع إلإنصار