«Сатира саңлағы» атты сұхбат. Мұхтар Шерім.

#Жүректен_қозғайық_жобасы_аясында

🔹Бүгін «Жүректен қозғайық» жобасы аясында Республикаға танымал сатирик, жазушы, Халықаралық «Алаш» әдеби сыйлығының лауреаты Мұхтар Шеріммен «Сатира саңлағы» атты сұхбат өтті.
🔹Кезінде сатирик ақын Оспанхан Әубәкіровтен бата алған, «Тамаша» ойын-сауық отауына әзілдерімен тарту жасаған Мұхтар Шерім ағамыз бүгінгі сатира бойынша да сыни ой толғамдарымен бөлісті. «Тамаша» режиссеры Лұқпан Есеновтың тікелей тапсырысымен екі күннің ішінде бірнеше интермедия дайындап бергенін, «Тамаша» тарландары Қ.Сұлтанбаев, Т.Құлыбеков, М.Нүрекеевпен бірге өткізген қызықты естеліктерінен сыр шертілді.
🔹«Қисық шеге», «»Күлеміз бе,қайтеміз?»,»Құдағи құшақтай береді», Төрт томдық сатиралық шығармалар жинағы, «Қашқандар мен қуғандар» кітаптарының авторы М.Шерім өзінің шынайы өмірінде болған әзілдерімен де бөлісіп, юмордың жылы шуағына бөледі.
🔹Шын мәнінде «Сатира снайпері» атанған ағамыздың туындыларынан таза қазақилықтың құнары байқалып, ,өткір әжуа,уытты әзіл, ұшқыр қалам, талант дарыны сұхбат барысында танылып,таразыланды.