İdarəetmənin mənfi və müsbət tərəfləri

Uğurlu idarəetmə təkcə çox işləməkdən ibarət deyil, işləri düzgün bölüşdürmək və effektiv strategiyalar tətbiq etməkdən ibarətdir.

Rəhbər olaraq hər işi öz üzərinə götürmək qısa müddətdə qəhrəmanlıq kimi görünə bilər, lakin uzunmüddətli perspektivdə bu yanaşma həm işçiyə, həm də şirkətə ciddi risklər gətirir.

Ən yaxşı rəhbər komandasına güvənən, işləri delegasiya edən və prosesləri sistemli şəkildə idarə edə bilən şəxsdir. Belə bir idarəçi olmadıqda belə proseslər problemsiz davam edirsə, bu, onun liderlik bacarığının sübutudur.

İşin davamlılığı və uğuru üçün idarəetmədə əsas olan düzgün yönləndirmə və dayanıqlı sistemlərin qurulmasıdır.

İdarəetmənin müsbət tərəflərindən biri odur ki, yaxşı idarəçi daim tələbatda olur və hər zaman iş tapmaq şansı yüksəkdir. İdarəetmə bacarıqları müxtəlif sahələrdə qiymətlidir və bu sahədə mütəxəssislərə ehtiyac həmişə var.

Effektiv idarəetmə sistemləri qurma bacarığı olan rəhbərlər, komandanı inkişaf etdirir və uzunmüddətli nailiyyətlərə səbəb olur.

Bununla belə, idarəetmənin mənfi tərəfləri də var. Məsələn, rəhbər qurduğu idarəetmə sistemi düzgün işlədikdə, bəzi yuxarı rəhbərlər fiziki olaraq az işlədiyini düşünə bilər və ya artıq sənə ehtiyac qalmadığı düşünülə bilər.

Bu yanaşma çox yanlışdır, çünki effektiv idarəetmə o deməkdir ki, sistem sən olmadan da işləyir, və bu, sənin uğurun sayılmalıdır. Amma bəzi hallarda bu, yanlış qiymətləndirilə bilər və işdən kənarlaşdırma ilə nəticələnə bilər.

#VusalMahmudov #İdarəetmə #Liderlik #MüsbətVəMənfiTərəflər #Effektivİdarəetmə #KomandaYönləndirmə #DavamlıSistemler