"Əclaf, diz çök və üzr istə": Kadırovla rus elitası arasında TOQQUŞMA GÜCLƏNİR

#Kanal13abuneol​ #LikeKanal13News​ #Subscribe #Kanal13TV
Əziz izləyicilərimiz! Biz sizin SƏSİNİZ OLMAQ üçün AZADLIĞIMIZI itirdik. Rəhbərimiz Əziz Orucov hələ də həbsdədir. Bizə DƏSTƏK olun, ABUNƏMİZ OLUN:    / @kanal13x  


Yaxın zamanda verilən xəbərə görə, Çeçenistan rəhbəri Ramzan Kadırov, Rusiya Federasiyasının Müdafiə Nazirliyindən Çeçenistandakı hərbi qrupların keçmiş komandiri, general-polkovnik Vladimir Şamanovun Çeçen xalqına qarşı qəddarlığına görə hərbi tribunala verilməsini tələb edib. Bu tələb Çeçenistanda şəhərlərin adlarının dəyişdirilməsi təşəbbüsü ilə birbaşa əlaqəlidir və Şamanovun bu məsələyə dair fikirləri Kadırov tərəfindən sərt şəkildə tənqid olunub.

“Qroznı TV”nin məlumatına görə, Kadırov general Şamanovu “iyrənc, alçaq insan” adlandırıb və bildirib ki, o, Çeçen müharibəsi dövründə Çeçen xalqına qarşı amansız davranıb, kişiləri sahəyə apararaq güllələyib. Kadırovun bəyanatında Şamanovun özünü “vətənpərvər” adlandırmasına yönəlmiş kəskin tənqidlər də yer alıb. Rəsmi “Telegram” səhifəsində Kadırov həmçinin Şamanova sərt müraciətlər edib, onu hərbi əməliyyatlarda iştirak etməyə və Vətənə xidmət göstərməyə çağırıb. O, çıxışını belə yekunlaşdırıb:
“Biz çox yaxşı bilirik sənin ‘mülki əhalini alçaltmaqda zəngin təcrübəni’. Sənin Dumanın salonunda oturmaq və özünü ‘xalq müdafiəçisi’ kimi göstərmək üçün heç bir mənəvi haqqın yoxdur! Sən diz çöküb Çeçen xalqından mülki insanların öldürülməsi, qarətlər və dağıntılar üçün üzr istəməlisən!”

Kadırovun bəyanatı Dövlət Dumasında Çeçenistanda bəzi şəhərlərin adlarının dəyişdirilməsi ilə bağlı müzakirə olunan qanun layihəsi ilə bağlıdır. O, bu təşəbbüsü “tarixi adların məhv edilməsi” adlandıraraq tənqid edib. Dövlət Dumasının Müdafiə Komitəsi sədrinin müavini, general-polkovnik Vladimir Şamanov isə bu təşəbbüsə qarşı çıxıb.

Xatırladaq ki, Vladimir Şamanov 1996–1999-cu illərdə Çeçenistanda hərbi komandanlıq edib və bu dövrdə Rusiya ordusu üçün mühüm strateji qərarlar qəbul edib. 1999-cu ildə “Rusiya Qəhrəmanı” fəxri adını alan Şamanov, Rusiya ilə Çeçenistan arasındakı mürəkkəb münasibətlərin formalaşmasında əsas fiqurlardan biri sayılır.

Bu dəfə isə Krasnodar Şəhər Dumasının deputatı Sergey Klimov açıq şəkildə Kadırova müraciət edib və onun general Şamanova qarşı təhqiredici ifadələrinə görə kəskin tənqidlər səsləndirib. Deputat sosial şəbəkələrdə paylaşdığı bəyanatda bildirib:
“Ən çox subsidiya alan respublikanın rəhbərinin hər şeyi özünə bir nemət kimi görməsi çox qəribədir! Ölkədə milli münasibətlər onsuz da kifayət qədər gərgindir və bu cür daxili təxribatlar vəziyyəti daha da alovlandırır. Amma biz Rusiya Qəhrəmanının təhqir olunmasına imkan verməyəcəyik!”

Klimov Kadırovun “Çeçen xalqından üzr istə” çağırışlarını qəbuledilməz adlandırıb və onu ölkə daxilində etnik qarşıdurmanı qızışdırmaqda ittiham edib.

Bu, Krasnodar deputatının Kadırovu tənqid etdiyi ilk hadisə deyil. O, bundan əvvəl də Çeçenistan rəhbərinin İstintaq Komitəsinin sədri Aleksandr Bastrıkinə qarşı təhqiramiz ifadələrinə görə üzr istəməsini tələb etmişdi.Əziz izləyicilərimiz! Biz sizin SƏSİNİZ OLMAQ üçün AZADLIĞIMIZI itirdik. Rəhbərimiz Əziz Orucov hələ də həbsdədir. Bizə DƏSTƏK olun, ABUNƏMİZ OLUN:    / @kanal13x  
https://bit.ly/2V19Fdy - Kanal13 GLOBAL
▌▌►Website: http://kanal13.info

Click & Subscribe to the main YouTube Channel – Kanal13 Global:
   / @kanal13az  

© KANAL13

Tags: _#Ukraine, #Russia, #Putin, #Putler, #Russian invasion of Ukraine, #Zelenski, #Kiev, #Kyiv, #Kadyrovarmy, #Kadirov, #Kherson, #Bucha, #Kharkiv, #Ukrainian pilots, #Vagners, #Russiantanks, #NATO, #drones, #Moscow, #Kreml, #warvictims #Ukrayna, #Zelensky, #Trupm, #DonaldTrump, #savaş, #Qarabağ, #Bakı