NGAJILO ATIMUA VUMBI IRINGA MJINI, AMBINDWILE ASHIKA NAFASI YA PILI
Автор: PAMLOMO24
Загружено: 2025-08-05
Просмотров: 1929
Mchakato wa kura za maoni ngazi ya mkoa katika Jimbo la Iringa Mjini kupitia Chama Cha Mapinduzi (CCM) umekamilika leo, ambapo Fadhili Fabian Ngajilo ameibuka kinara kwa kupata kura 1,899, akifuatiwa na Wakili Moses Ambindwile aliyepata kura 1,523.
Matokeo hayo yalitangazwa leo na Katibu wa CCM Wilaya ya Iringa Mjini, Hassan Makoba, katika ofisi za chama mjini hapa, baada ya kujumlisha kura kutoka kata zote 18 za jimbo hilo.
Wagombea wengine waliopata kura ni pamoja na Mchungaji Peter Simon Msigwa (477), Jesca Jonathan Msambatavangu (408), Nguvu Edward Chengula (181), na Islam Huwel (136).
"Tumefanikisha mchakato wa kura za maoni katika kata zote 18 za Jimbo la Iringa Mjini. Watia nia walikuwa sita, na uchaguzi umefanyika kwa amani na utulivu mkubwa. Hakuna changamoto kubwa iliyojitokeza," alisema Makoba.
Aidha, aliwakumbusha wanachama kuwa mchakato wa uteuzi bado unaendelea ndani ya chama, hivyo ni vyema wajumbe na wagombea wakaendelea kuwa watulivu na kufuata taratibu za chama.
Wakizungumza mara baada ya kutangazwa kwa matokeo, Fadhili Ngajilo na Moses Ambindwile waliwashukuru wajumbe kwa imani waliyoionesha kwao, huku Ambindwile akikiri kuwa ushindani ulikuwa mkali.
"Ni mchakato uliokuwa mgumu kwa sababu tulikuwa tunashindana na watu mahiri, wenye ushawishi mkubwa katika siasa za Iringa Mjini," alisema Ambindwile.
Доступные форматы для скачивания:
Скачать видео mp4
-
Информация по загрузке:
