Lian husi Aliansa Maubere Nasional konaba kareta Pajero ba Representante povu ❗️❗️❗️

Iha video ida ne'e ita koalia konaba Papél reprezentativu Parlamentu Nasionál ba interese Komún ka privadu ho maun Monsil.
Ita hotu hatene katak, la‟os ona buat foun mai ita wainhira rona no haree desizaun polítika hosi polítiku sira ne‟ebé mak regulariza de‟it interese sira-nian ba akumula kapitál be rohan-la‟ek liuhusi dalan legál ka lei. Ne‟e mak korrupsaun legál be eziste iha surat-tahan mutin nia leten. Ida-ne‟e, ita hotu haree, iha planu Orsamentu Privativu Parlamentu Nasionál nian ba tinan fiskál 2023 ne‟ebé tau iha proposta Orsamentu Jerál Estadu (OJE) 2023.
Ne‟e hatudu katak, liuhusi Estadu ka poder, klase elite bele asesu ba soin Timór nian ho fásil. Nune‟e, poder nu‟udar xave importante atu klase ida asegura nia interese iha sosiedade, iha ne‟ebé aprova lei, programa no produtu polítika sira-seluk liuhusi desizaun polítika ne‟ebé normalmente ita kompriende nu‟udar interese komún. Estadu sai hanesan espasu ba elite hodi deside, kontrola, asegura no hakonu sira-nia nesesidade partikulár. Nune‟e, Estadu, poder no desizaun sira la‟os imparsiál ka neutru, maibé nu‟udar instrumentu atu klase ida uza hodi asegura nia interese no hanehan klase seluk. Ida-ne‟e mak filózofu ida naran Karl Marx hanaran „institusionalizasaun interese partikulár‟. Sentidu katak, Estadu, poder no desizaun sira nu‟udar interese partikulár klase ida-nian ne‟ebé universaliza ona sai interese komún.

Keta haluha subscribe ami nia chanel, like no share ba kolega sira nia media sosial
akompanha nafatin ami nia video sira tuir mai

WhatsApp : https://wa.link/ua8rye Youtube Channel : https://www.youtube.com/channel/UCZ2R... Facebook :   / jpfpodcast   Instagram :   / jpfpodcast_   Tiktok :   / jpfpodcast   ===============================
Follow & Contact us: https://linktr.ee/jpfpodcast