حاسب وانت ماشى ثم راح وقالوا راح للفنانة عفاف راضى كلمات الشاعرمحمد حمزة ولحن الموسيقار بليغ حمدى

حاسب وانت ماشي وهدي في خطوتك
لتدوس وانت ماشي علي قلوب حبيتك
راحت من زمان .. غدر بها الزمان
حاسب وما تنساشي تهدي وانت ماشي
لتدوس قلب حبيب راح بعيد ولا جاشي

حاسب لو شفت ميه علي الارض منديه
لتكون دمعه حبايب من يومها مستنيه
تحكيلك ايه جرالها
في ليالي عذاب بطولها
حاسب وانت ماشي وهدي في خطوتك
لتدوس وانت ماشي علي قلوب حبيتك
حاسب حاسب حاسب
حاسب عليا وحاسب
حاسب من الليالى حاسب
لا اضيع من بين ايديك وحاسب
تضيع بالأسية حبى اللى فاضل ليك
حاسب من الليالى لا تضيعك يا غالى
وتضيع حب غالى
ويوحشك زمانى زمانى
ويوحشك حنانى
و تندم مهما تندم
مش هتلاقينى تانى
تندم على اللى كان
فى ليالينا زمان
حاسب وما تنساشي تهدي وانت ماشي
لتدوس قلب حبيب راح بعيد ولا جاشي
كلمات الشاعر
محمد حمزه
الحان الموسيقار
بليغ حمدي
غناء الفنانة
عفاف راضى

راح وقالوا راح
قلت يا ربي لسكة السلامه
راح وقالوا راح بس
كان نفسي اقوله مع السلامه

فاتلي السهر فاتلي ابتسامه
فاتلي دموعي عندي امانه
من غير ما اقوله
كان نفسي اقوله مع السلامة
كان نفسي اقوله
عشان ارتاح مع السلامه

كذبنا عالليالي وقلنا مرتاحين
وضحكنا في بعده ياما
وقلوبنا مجروحين
وقلنا يجي بكرة
وراح وغاب سنين
نلاقيها منين يا قلبي
من الشوق والاالحنين

فاتلي السهر فاتلي ابتسامه
فاتلي دموعي عندي امانه
من غير ما اقوله مع السلامه
كان نفسي اقوله مع السلامه
كان نفسي اقوله عشان ارتاح
مع السلامه
نادينا عالغايب وفايت بقلوبنا الاه
ما ردش علينا يا خسارة عشرتنا معاه
فين يا زماني ايامنا وفرحنا وياه
لا بيسأل علينا يعني والبعد نساه
فاتلي السهر فاتلي الابتسامه
فاتلي دموعي عندي امانه
من غير ماقوله مع السلامه
كان نفسي اقوله مع السلامه
كان نفسي اقوله عشان ارتاح
مع السلامه
كلمت محمد حمزة
لحن: بليغ حمدي
غناء: عفاف راضي