ETNIAS-Su Castanzeri e sos Messadores

Su CASTANZERI e Sos MESSADORES sono due sonetti di Sebastiano Manconi, Nuoro 1886 - Milano 1935, che descrivono due antichi mestieri ormai scomparsi: il duro lavoro e la vita di stenti di un venditore di castagne in giro per i paesi nel freddo inverno e la fatica dei mietitori di grano sotto il sole cocente nei campi dorati e punteggiati dai papaveri color corallo.

TESTO: Su Castanzeri.
Passat su castanzeri, poverittu!
In mesu de su nibe e de su bentu
Tottu furesi, eppuru dae su frittu
Accorinadu: triste pessamentu

De su izu mancu unu corittu,
De sa domedda fritta che cumbentu,
De su monte nibadu, diruttu, affrittu
De sa bidda sua nuda issu trumentu.

E passat chin sa bertula unchinau,
A conca a terra. Su comporadore
Est raru, ca issu fogu est corcau.

E passat chin su prantu, a su segnore
Gridat: E BOS CASTANZA, marturiau,
chin boche istracca prena de dolore.

TESTO: Sos Messadores.
Framas ghettat s'aghera cristallina,
E sole sole supra a sos pianos,
Montes, baddes e ribbos. O beranos,
O buscos friscos prenos de saghina!

Comente un'unda d'oro issos solianos,
Framiante dae s'attanda coraddina,
Sos tridicos s'aghèra montagnina
Iucchet e tremet garrigos de granos.

Tres messadore chissu coro prenu
D'anneu , pranghende, messant su labore
Issoro pro sos fizzos dess'anzenu.

Los cantant trumentandesi iss'ardore,
Sas chichelas dae mesu de su fenu
In deche, in chentu, in mille, in d'unu pore!

Los cantant trumentandesi iss'ardore.
D'anneu pranghende sos traballadores
Su CASTANZERI e Sos MESSADORES.