Рўзанинг танамизга фойдалари

#ramazon #рўза

манба:    • What Happens to Your Body When You Fast (D...  

Рамазон ойида рўза тутганимизда, танамизда нималар содир бўлади?
Рамазон ойи қамарий ой бўлиб бу кунларда мусулмонлар ҳар куни саҳардан то қуёш ботгунга қадар рўза тутадилар.
Рамазон ойи рўзаси танадаги ҳар ҳил токсинлар ва чиқиндиларни тозалаш, ҳамда танани соғлом қилишнинг энг табиий самарали усули ҳисобланади.
Аммо бу ҳолат фақат соғлом овқатланишга қатъий риоя қилганда ва ифтор вақтида ортиқча овқатланмасакгина содир бўлади.
Бу ойда иложи борича қайта ишланган ва қовурилган овқатлардан воз кечишга ҳаракат қилинг.
Негаки бизда таомланишимиз ва ташналигимизни қондириш учун фақат бир неча соат вақтимиз бор, шунинг учун озиқ-овқат миқдорини тўғри ҳисоблашимиз муҳимдир.
Танангиздаги сув миқдорини тўлдириш учун кўпроқ суюқлик истеъмол қилинг.
Танамизни сувсизлантирадиган ва рўзадорни кўпроқ чанқатадиган кофеин махсулотларидан сақланинг.
Биламизки, Рамазон ойида вақтимиз жуда қисқа бўлади, шунинг учун савобли амалларга кўпроқ вақт қолдириш учун уйқу вақтимизни қисқартиришга мойил бўламиз.
Аммо кунига камида олти соат ухлашга ҳаракат қилинг.
Агарда ўзингизга бу минимал даражадаги уйқуни бермасангиз, намоз ва Қуръон ўқишда дангаса бўлиб қолишингиз мумкин. Буни эса ҳеч ким ҳоҳламайди.
Аммо бир нарсани ҳисобга олинг, агар ҳаддан ташқари уйқуга кўп вақт сарфласангиз, бу ҳам ўз-ўзидан дангасаликни ва бесамарликни келтириб чиқаради.
Ёдда тутинг Муваффақият калити Мувозанатдир.

Рўза тутиш пайтида танамиз билан нима содир бўлишини кўриб чиқайлик.

Биринчи босқич.
Рўза тутишнинг биринчи кунларида қондаги шакар миқдори камайиб, қон босимингиз пасаяди.
Энг қийини илк кунларда бўлиши мумкин, негаки бунда танада тозалаш жараёни бошланади.
Яъни илк кунлар бош оғриғи, бош айланиши, кўнгил айниши ва ўта очликни ҳис қилишингиз мумкин.

Иккинчи босқич.
Танангиз янги режимга аста-аста мослашади ва ҳазм қилиш тизими дам олиш имкониятига эга бўлади.
Бу жараёнда лейкоцитлар фаоллашгани сайин, улар ўз кучларини танани тозалашга ва ҳужайраларни тиклашга қаратадилар.
Бу босқичда танамизнинг турли аъзолари қайта тикланишни бошлайди.

Учинчи босқич.
Бу босқичда бизнинг энергия даражамиз кўтарилади, онгимиз равон бўлади ва умумий саломатлик ҳисси бизни қамраб олади.
Рўза тутиш вақтида танамиздаги қайта тикланиш жараёнлари янада самарали ишлайди.
Бу босқичда организмимиз шикастланган ҳужайраларни қайта тиклайди, ичаклар, жигар, буйраклар, ўпка ва тери токсинлардан тозаланади, детоксификация жараёни содир бўлади.

Ва сўнги тўртинчи босқич
Рамазоннинг сўнгги 10-кунига кирганимизда, танамиз рўза тутишга кўникади, кучга тўлади. ҳамда диққатимиз жамланиб, хотирамиз яхшиланганини ҳис қиламиз.
Ушбу босқичда организимимиз шифо жараёнини якунлайди ва максимал даражада ишлайди, негаки барча зарарли моддалар танамизни тарк этган бўлади.
Бу рўза тутишнинг танамиз билан боғлиқ бўлган жисмоний фойдаларининг бир қисми холос. Бу ойнинг маънавий фойдалари юқорида айтилганларнинг барчасидан анча кучли.