Kwari Mweri 11 6 1952

#nyimbociamaumau #kamarungogoyo #josephkamaru
Album:-Nyimbo cia Mau Mau Vol 1
Album Release:-1966
Listen: https://smarturl.it/NyimboCiaMauMauVol1
Website: https://josephkamaru.com/

Lyrics:
Kwarĩ mweri ikumi na ĩmwe wa gatandatũ ĩi twakĩgĩkũrũkĩkire thinacara, mĩrani ĩgĩũkĩra ĩkĩũrĩra mahoya inĩ Ngai nĩ mũnene tũtionirwo. Thaai thaai thathaiya Ngai mahoya mathira watoria akĩrũgama agĩcagũra ngati ithathatũ cia kũrangĩra nyũmba ya gĩkũyũ na mũmbi mwena ũrĩa thirikari yokagĩra.
Ngati ciarĩkia gũthiĩ harĩa ciarangagĩra igĩcoka na thutha kinya buchi magĩtwĩra twĩthare thirikari nĩnjũku na ithuĩ tũkĩambĩrĩria kuuma mbuchi. Thaai thaai thathaya Ngai marĩkia kuuma mbuchi tũkĩũrĩra irĩma inĩ tũkĩhũrwo raũndi ni tũtege tũkĩhũrwo na mbomu na rũthingarigi inĩ tũkĩũrĩra marima ma mĩthaitĩ .
Ndege ciarĩkia gũthiĩ watoria nĩ okĩrire agĩĩta mũtongoria ti gĩchũkĩ akĩmwĩra ete andũ othe mooke tũhoe Ngai tũhoere ngati nĩciorire. Thaai thaai thaya thaya Ngai, mahoya mathira watoria akĩrũgama akĩra mũtongoria ti gĩchũkĩ nĩwega tũikũrũke tũgacarie kĩraro tũtingĩkinya mbuchi nĩ gũtuku.
Hwai inĩ gwatuka mweri ũgĩtũtherera twaraire tũgĩthathaiya Ngai arathime rũgendo rwa gũthiĩ kĩrĩnyaga tũthiĩ tũkageithanie na mĩrani. Thaai thaai thathaya Ngai mũthenya wa aramithi tũgitwo thinacara tũkĩrwo tũkĩre tũnywe cai. Twarĩkia kunyua cai tũkioithio mirigo tũrorete rũgurũ hedikwota.
Mũthenya wa jumaa thaa ruoro rũgitema tũkiuga thaai thathaya Ngai twakinya hedikwota tũgĩkora mĩrani tũkĩgeithania nayo na gĩkeno. Thaai thaai thathaya Ngai Hwai inĩ gwatuka mweri ũgĩtũtherera twaraire tũgĩthathaiya Ngai arathime rũgendo rwa gũthiĩ kĩrĩnyaga tũthiĩ tũkageithanie na mĩrani.