БАЛДАРГА, КЫЗ-КЕЛИНДЕРГЕ КАРАТА ООР КЫЛМЫШ ЖАСАГАНДАРГА ӨЛҮМ ЖАЗА!

Өлкө башчысы Администрациясына жаш балдарды зордуктагандарды жана кыз-келиндерди зордуктап өлтүргөндөрдү өлүм жазасына тартуу нормасын киргизүү боюнча иш алып барууну тапшырды.

Президенттин басма сөз катчысы Аскат Алагозов киши колдуу болуп мыкаачылык менен өлтүрүлгөн өспүрүм Айсулуунун ишинин тергелиши Садыр Жапаровдун жеке көзөмөлүндө экенин билдирди.

“Коомчулукту нес кылган бул кылмыш тууралуу кабарды Мамлекет башчыбыз терең өкүнүч менен кабыл алды. Президент Садыр Жапаров айрыкча жаш балдарга жана кыз-келиндерге карата кылынган кылмыштар жазасыз калбашы керек деген позицияда”, - деп жазды басма сөз катчы.