GOPALA VIMSATHI By Smt.Perundevi Kannan

Edit with Vlog Star app
https://play.google.com/store/apps/de...

Lyrics

śrīmānvēnkaṭanāthāryaḥ kavitārkikakēsarī |
vēdāntācāryavaryō mē sannidhattāṁ sadā hṛdi ||

vandē bṛndāvanacaraṁ vallavī janavallabhaṁ |
jayantisambhavaṁ dhāma vaijayantī vibhūṣaṇam || 1 ||

vācam nijānkarasikām prasamīkṣamāņō
vaktrāravindavinivēśitapāñcajanyaḥ |
varṇatrikōṇarucirē varapuṇḍarīkē
baddhāsanō jayati vallavacakravarti || 2 ||

āmnāyagandhirucirasphuritādharōṣṭham
āsrāvilēkṣaṇamanukṣaṇamandahāsaṁ |
gōpālaḍimbhavapuṣaṁ kuhanā jananyāḥ
prāṇastanandhayamavaimi paraṁ pumāṁsam || 3 ||

hartuṁ kumbhē vinihitakarassvādu haiyangavīnam
dṛṣṭvā dāmagrahaṇacaṭulāṁ mātaraṁ jātarōṣāṁ |
pāyādīṣatpracalitapadō nāpagacchanna tiṣṭhan
mithyāgōpassapadi nayanē mīlayan viśvagōptā || 4 ||

vrajayōṣidapānga vēdanīyam
madhurābhagyamananyabhōgyamīḍē |
vasudevavadhu stanandhayam tat
kimapi brahma kiśōrabhāvadṛśyam || 5 ||

parivartitakandharaṁ bhayēna
smitaphulladharapallavaṁ smarāmi |
viṭapitvanirāsakaṁ kayōścit
vipulōlūkhalakarṣakaṁ kumāram || 6 ||

nikaṭēṣu niśāmayāmi nityaṁ
nigamantairadhunā:'pi mṛgyamāṇaṁ |
yamalārjunadṛṣṭabālakēliṁ
yamunāsākṣikayauvanaṁ yuvānam || 7 ||

padavimadaviyasim vimuktēḥ
aţavi sampadamambu vāhayantīm |
aruṇādharasābhilāṣavaṁśāṁ
karuṇāṁ kāraṇamānuṣīṁ bhajāmi || 8 ||

animēṣaniṣēvaṇīyamakṣṇōḥ
ajahadyauvanamāvirastu cittē |
kalahāyitakuntalaṁ kalāpaiḥ
karuṇōnmādakavibhramaṁ mahō mē || 9 ||

anuyāyimanōjñavaṁśanālaiḥ
avatu sparsitavallavīvimōhaiḥ |
anaghasmitaśītalairasau mām
anukampāsaridambujairapāngaiḥ || 10 ||

adharāhitacāruvaṁśanālāḥ
makuṭālambimayūrapiñchamālāḥ |
harinīlaśilāvibhanganīlāḥ
pratibhāssantu mamāntimaprayāṇē || 11 ||

akhilānavalōkayāmi kālān
mahilādhīnabhujāntarasyayūnaḥ |
abhilāṣapadaṁ vrajānganānām
abhilāpakramadūramābhirūpyam || 12 ||

hrdi mugdhaśikhaṇḍamaṇḍanō
likhitaḥ kēna mamaiṣa śilpinā |
madanāturapallavānganā-
vadanāmbhōjadivākarō yuvā || 13 ||

mahasē mahitāya maulinā
vinatēnāñjalimañjanatviṣē |
kalayāmi vimugdhavallavi-
valayābhāṣitamañjuvēṇavē || 14 ||

jayati lalitavṛttiṁ śikṣitō vallavīnām
śithilavalayaśiñjāśītalairhastatālaiḥ |
akhilabhuvanarakṣāgōpavēṣasya viṣṇōḥ
adharamaṇisudhāyāmaṁśavānvaṁśanālaḥ || 15 ||

citrakalpa śravasi kalayan lāngalīkarṇapūraṁ
barhōttamsasphuritacikurō bandhujīvaṁ dadhānaḥ |
gunjābaddhāmurasi lalitāṁ dhārayan hārayaṣṭiṁ
gōpastrīņām jayati kitavaḥ kō:'pi kaumārahārī || 16 ||

līlāyaṣṭim karakisalayē dakṣiņē nyasya dhanyāṁ
amsē dēvyāḥ pulakarucirē sanniviṣṭānyabāhuḥ |
mēghaśyāmō jayati lalitō mēkhalādattavēņuḥ
guñjāpīḍasphuritacikurō gōpakanyābhujaṁgaḥ || 17 ||

pratyālīḍhasthitimadhigatāṁ prāptagāḍhāngapālim
paścādīṣanmilitanayanāṁ prēyasīṁ prēkṣamāṇaḥ |
bhastrāyantrapraṇihitakarō bhaktajīvāturavyāt
vārikrīḍānibiḍavasanō vallavīvallabhō naḥ || 18 ||

vāsō hṛtvā dinakarasutāsannidhau vallavīnām
līlāsmērō jayati lalitāmāsthitaḥ kundaśākhāṁ |
savrīḍābhistadanu vasanē tābhirabhyarthyamānē
kāmī kaścitkarakamalayōrañjaliṁ yācamānaḥ || 19 ||

ityananyamanasā vinirmitāṁ
vēnkatēśakavinā stutiṁ paṭhan |
divyavēņurasikaṁ samīkṣatē
daivatam kimapi yauvatapriyam || 20 ||

iti śrīvēdāntācāryasya kṛtiṣu gōpālavimśatiḥ ||