Hamd o sana Hussain a.s ki jo Mohtaram hua - Abbas Naqvi (Hur)
Автор: Abbas Naqvi (Hur)
Загружено: 2025-07-12
Просмотров: 149
حمد و ثناء حسین کی جو محترم ہوا،
توحیدِ کبریا کا اکیلا بھرم ہوا،
صدقہ ہے اس کے سجدئے جاری کا بالیقیں،
تاحشر سر بلند جو حق کا علم ہوا،
مجلس رکھی تو آئیں مرے گھر میں فاطمہ،
تو یہ غریب خانہ بھی باغِ ارم ہوا،
فرشِ عزا پہ آئے گناہوں کو دھولیا،
اور ایسے پاک جیسے کے تازہ جنم ہوا،
کیسے جھکے گا اہلِ سقیفہ کے سامنے؟
وہ سر جو بوتراب کی چوکھٹ پہ خم ہوا،
قرباں مشی پہ ہوں تیری اے زائرِ حسین،
فرزندِ فاطمہ ہے ترا ہم قدم ہوا،
پایا خدا جہاں سے وہی میرے واسطے،
قبلہ بنا ہے دل کا، خدا کا حرم ہوا،
عباس آئے بعد میں زیں سے زمین پر،
پہلے تو ہاتھ ایک کے بعد اک قلم ہُوا،
وہ مشک چھد گئی جو سکینہ کی آس تھی،
جو سب کا آسرا تھا وہ ٹھنڈا علم ہُوا،
پھر سیدھی ہو نا پائی کمر شاہِ دین کی،
غازی ترے بچھڑنے کا اس درجہ غم ہُوا،
اللہ بعدِ قتلِ حسین ابنِ فاطمہ،
زینب اسیر ہوگئی کیسا ستم ہوا،
نیزے پہ بار بار ہوا قتل باوفا،
جو چھن گئی تھی اس ہی ردا کی قسم ہوا،
رملہ سمجھ نہ پائی سکینہ کو دیکھ کر،
چہرہ پہ ایک بچی کے کیسے ورم ہوا،
زینب کی بے ردائی کا صدمہ تھا اس قدر،
سجاد کی قضا سے جو پہلے نہ کم ہوا،
اے کاش حر وہ راحتِ قلبِ بتول ہو،
ہر شعر جو حسین کی خاطر رقم ہوا۔
Доступные форматы для скачивания:
Скачать видео mp4
-
Информация по загрузке:
