INILAH UGA WANGSIT SILIWANGI YANG SEBENARNYA ‼️

Uga Wangsit Siliwangi (Sunda)”

Carita Pantun Ngahiangna Pajajaran
Pun, sapun kula jurungkeun
Mukakeun turub mandepun
Nyampeur nu dihandeuleumkeun
Teundeun poho nu baréto
Nu mangkuk di saung butut
Ukireun dina lalangit
Tataheun di jero iga!

Saur Prabu Siliwangi ka balad Pajajaran anu milu mundur dina sateuacana ngahiang : “Lalakon urang ngan nepi ka poé ieu, najan dia kabéhan ka ngaing pada satia! Tapi ngaing henteu meunang mawa dia pipilueun, ngilu hirup jadi balangsak, ngilu rudin bari lapar. Dia mudu marilih, pikeun hirup ka hareupna, supaya engké jagana, jembar senang sugih mukti, bisa ngadegkeun deui Pajajaran! Lain Pajajaran nu kiwari, tapi Pajajaran anu anyar, nu ngadegna digeuingkeun ku obah jaman! Pilih! ngaing moal ngahalang-halang. Sabab pikeun ngaing, hanteu pantes jadi Raja, anu somah sakabéhna, lapar baé jeung balangsak.”


Daréngékeun! Nu dék tetep ngilu jeung ngaing, geura misah ka beulah kidul! Anu hayang balik deui ka dayeuh nu ditinggalkeun, geura misah ka beulah kalér! Anu dék kumawula ka nu keur jaya, geura misah ka beulah wétan! Anu moal milu ka saha-saha, geura misah ka beulah kulon!

Daréngékeun! Dia nu di beulah wétan, masing nyaraho: Kajayaan milu jeung dia! Nya turunan dia nu engkéna bakal maréntah ka dulur jeung ka batur. Tapi masing nyaraho, arinyana bakal kamalinaan. Engkéna bakal aya babalesna. Jig geura narindak!

Dia nu di beulah kulon! Papay ku dia lacak Ki Santang! Sabab engkéna, turunan dia jadi panggeuing ka dulur jeung ka batur. Ka batur urut salembur, ka dulur anu nyorang saayunan ka sakabéh nu rancagé di haténa. Engké jaga, mun tengah peuting, ti gunung Halimun kadéngé sora tutunggulan, tah éta tandana; saturunan dia disambat ku nu dék kawin di Lebak Cawéné. Ulah sina talangké, sabab talaga bakal bedah! Jig geura narindak! Tapi ulah ngalieuk ka tukang!


Sakabéh turunan dia ku ngaing bakal dilanglang. Tapi, ngan di waktu anu perelu. Ngaing bakal datang deui, nulungan nu barutuh, mantuan anu sarusah, tapi ngan nu hadé laku-lampahna. Mun ngaing datang moal kadeuleu; mun ngaing nyarita moal kadéngé. Mémang ngaing bakal datang. Tapi ngan ka nu rancagé haténa, ka nu weruh di semu anu saéstu, anu ngarti kana wangi anu sajati jeung nu surti lantip pikirna, nu hadé laku lampahna. Mun ngaing datang; teu ngarupa teu nyawara, tapi méré céré ku wawangi. Ti mimiti poé ieu, Pajajaran leungit ti alam hirup. Leungit dayeuhna, leungit nagarana. Pajajaran moal ninggalkeun tapak, jaba ti ngaran pikeun nu mapay. Sabab bukti anu kari, bakal réa nu malungkir! Tapi engké jaga bakal aya nu nyoba-nyoba, supaya anu laleungit kapanggih deui. Nya bisa, ngan mapayna kudu maké amparan. Tapi anu marapayna loba nu arieu-aing pang pinterna. Mudu arédan heula.



Tonton juga :
MAKNA PUSAKA KUJANG PRABU SILIWANGI
   • MAKNA PUSAKA KUJANG YANG SEJATI ❗️ORANG SU...  

SILSILAH PRABU SILIWANGI :
   • SUDAH SAATNYA DIBUKA ‼️ SILSILAH PRABU SIL...  



PRINSIP PASUNDAN YANG SEJATI Part 1 :
   • AMALKAN PRINSIP INI Jika ingin Bertemu Par...  

Silsilah Raja - Raja Pasundan Part 2 :
   • HIDUP JANGAN MAU DI SANJUNG - SANJUNG APAL...  

Silsilah Raja - Raja Pasundan Part 1 :
   • AKHIR ZAMAN ‼️ Sudah saatnya Dibuka Silsil...  

Silsilah Raja - Raja Pasundan Part 2 :
   • PAJAJARAN  dan GALUH adalah KERAJAAN ADIK ...  

Prabu Siliwangi adalah Wali Yang Tersembunyi :
   • [ MAASYA ALLOH ] Prabu Siliwangi itu seora...  

Arti SUNDA :
   • Orang SUNDA WAJIB TAHU ‼️ Arti Sunda dan C...  

Pengertian Semar Siliwangi Selang Kuning :
   • TERNYATA ‼️ Semar Siliwangi Selang Kuning ...  

Kota nya Para Guru :
   • Disnilah KOTA PARA GURU |  Orang Sunda Waj...  

#viralvideo #sejarahsunda #indonesia #kerajaansunda #sunda #live #wangsitsiliwangi #wangsit