ბრიუსელის ვიზალიბერალიზაციის პოლიტიკა - შეფასებები პოლიტიკურ სპექტრში

ვიზალიბერალიზაციის შეჩერების პროცედურის გამარტივებასთან დაკავშირებით ბრიუსელში მიმდინარე განხილვა უკვე მესამე დღეა, პოლიტიკური შეფასებების თემაა. ხელისუფლების ოპონენტები არ გამორიცხავენ, რომ დემოკრატიული უკუსვლისა და ფუნდამენტური უფლებების დარღვევის გამო, ვიზალიბერალიზაციის პროცესი შეჩერდეს. მმართველ გუნდში კი აცხადებენ, რომ რა შეზღუდვებიც არ უნდა დაწესდეს, უვიზო მიმოსვლის აკრძალვას სამართლებრივი საფუძველი არასდროს ექნება. შეგახსენებთ, ბრიუსელი 61 ქვეყნისთვის, მათ შორის საქართველოს, მოლდოვისა და უკრაინისთვის ვიზალიბერალიზაციის შეჩერებისთვის პროცედურის გამარტივებას განიხილავს. ამის შესახებ „რადიო თავისუფლების“ ევროპის ბიუროს რედაქტორი წერს. მისი თქმით, ევროკავშირის ინსტიტუტები ცდილობენ, ამ საკითხზე შეთანხმებას იქამდე მიაღწიონ, ვიდრე ევროკავშირის საბჭოს თავმჯდომარე პოლონეთია. სტატიაში ნათქვამია, რომ ევროკავშირს სურს, სავიზო პოლიტიკა მესამე ქვეყნებზე ზეწოლის პოლიტიკურ ინსტრუმენტად გამოიყენოს.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.