شێوازی دروستکردنی مارشمیلۆ تەنیا بە دوو کەرەستە خۆشترین شیرینی
Автор: Xwardni khayal
Загружено: 2020-06-23
Просмотров: 103768
سڵاوتان لێبێت ھاورێیان ھیوادارم تەندروست باش بن فەرموون ئەوەش شێوازی دروستکردنی مارشمیلۆ کە زۆر داواتان کرد پۆستی بکەم بەھیوام سودی لێببینن ھاورێیان من بۆیە ئەم شیرینیانە دروست دەکەم بۆئەوەی ئێوەش فێرببن و چیدی لەبازار نەیکرن خۆتان دروستی بکەن دڵنیادەبن لە خاوێنێکەی و دەزانن چۆن دروست کراوە بەس ھاورێیان ئەم شیرینییە پێویستی بە جەلاتین ھەیە بەبێ جەلاتین دروست نابێ جەلاتین لەلای بەھارات فرۆشەکان ھەیە من لەوێ دەیکرم وە دەبێت بە کوپ قیاسی بکەی کوپی قیاسی ھەیەلە ھەموو شوێنێک وە ھاورێیان بۆ بەردەوامی پەیجەکەم تکایە ھەر یەکێکتان چەن کۆمێنتێک بنوسن سوپاستان دەکەم
کەرەستەکان
1کوپ شەکر
نیو کوپ ئاو
3کەوچکی خواردن جەلاتین
نیو کوپ ئاوی گەرم
نیو پەرداخ شەکری ھاراو : دەبێ شەکرەکە تەواو بیھارن وەکو ئاردی لێبێت
نیو پەرداخ نیشاستە
رەنگی خواردن : ئەویش لەلای بەھارات فرۆشەکان ھەیە
سەرەتا نیو پەرداخ شەکری ھاراوەکەو نیشاستەکە بیبێژن و جوان تێکەڵی بکەن ئینجا بیکەنە قاپێک وەک ئەوەی من بۆئەوەی مارشمیلۆکەمان تێکرد بە قاپەکە نە نوسێ
ئینجا جەلاتین و نیو کوپ ئاوە گەرمەکە جوان تێکەڵی بکەن دواتر یەک کوپ شەکرەکەو نیو ئاوەکە تێکەڵ بکەن و بیکەنە سەر ئاگر تا دەکوڵێ و خەست دەبێتەوە وەک لە ڤیدیوکە دیارە کەبینیتان خەست بۆتەوە کەمێک لە شیلەکە بکەنە کەوچکێک و بیکەنە ئاوێکی سارد گەر لە ئاوە ساردەکە توند بوو مانای وایە شیلەکە تەواوەو لەسەر ئاگر دایبگرن ئینجا جەلاتین و ئاوەکە کە تێکەڵمان کرد تێکەڵی شیلەکەی بکەن پێش ئەوەی شیلەکە ساردبێتەوە پاشان کە تێکەڵتان کرد بە ئامێری کارەبای تێکەڵی بکەن بۆماوەی پێنج بۆ حەوت خولەك تاوەك و کرێمی لێدێت لە ڤیدیوکە دیارە بەجوانی ئینجا بەشێکی بکەنە قاپەکەو ئەوەی تری بەئارەزووی خۆتان رەنگی تێبکەن دوای ئەوەی تەواوتان کرد دەتوانن شەکرو نیشاستەکە لەسەریشی دابنێن ئینجا بیکەنە سەلاجە بۆماوەی چوار سەعات بەھیچ شێوەیەک نەیکەنە فرێزەر دەبێت لە سەلاجە بێت دوای چوار سەعات لەتی بکەن و دیسان شەکرو نیشاستە تێکەڵەکەی لێبدەن بۆئەوەی کە کرتانەوە سەلاجە ئاو نەداتەو
ھاورێیان چۆن نوسیومە ئاوا دروستی بکەن
بەھیوای سود
Доступные форматы для скачивания:
Скачать видео mp4
-
Информация по загрузке:
