اول فلوق في مدينة الرياض

في أول فلوق لي في الرياض، بديت يومي بفطور فرنش توست بشوكولاتة. وأنا جالس أفطر، فجأة سمعت صوت المطر صار قوي، ويوم طلّيت من الدريشة تفاجأت إن البَرَد ينزل وحبّاته كبيرة! هالشي صدمة بالنسبة لي لأني ما شفت مطر وبَرَد كذا من زمان. 🧊

بعد الفطور، صلحت لي كوب قهوة وطلعت لمخرج 17 عند مستودعات الأثاث عشان أشتري بعض القطع للغرفة اللي مخطط أجهزها. أخذت جولة سريعة وصوّرت بعض المحلات اللي عندها قطع بأسعار حلوة. وبعد ما خلصت، أذّن الظهر وقفلوا المحلات.

رحت بعدها لإيكيا أشتري لمبة للأبجورة اللي شريتها، وأول ما وصلت صليت الظهر بالمصلّى، وبعدين دخلت المعرض. الحمدلله لقيت طريق مختصر لقسم الإنارة ووصلت بسرعة. وأنا طالع مريت قسم المنتجات "كما هي" اللي تكون عليها تخفيض بس ما حصلت شي زين وقررت اطلع من ايكيا قبل اشتري اشياء ما احتاجها.

طلعت من إيكيا ورحت لمجمع المرسلات اللي فيه محلات الجوالات، أبي أشتري شريحة إنترنت وراوتر. اكتشفت إن أغلب المحلات مسكرة، ونصحني واحد أروح لمحل على الشارع، الحمدلله حصلت عنده اللي أبي. بعدها رجعت للبيت وتغديت، ورتّبت الأغراض اللي شريتها، لكن واجهت مشكلة إن الأبجورة الطويلة ما تثبت وتنقلب للأمام، ولقيت لها حل مؤقت 🌚

في النهاية، أحتاج نصايحكم بخصوص الشاشات، ونشوفكم إن شاء الله بالفلوق الجاي!

Snapchat:   / hpghb6wc  
Tiktok: https://www.tiktok.com/@1abohassann?_...
X:   / 1abohassann  
Instagram:   / 1abohassann  

#اكسبلور #explore #فلوق #vlog #riyadh #الرياض