Salianji nis "aksionin" në terren nga Durrësi, Ivi Kaso: Foltore ka vetëm një!

Ish-deputeti Ervin Salianji do të nisë nga e mërkura e 3 dhjetorit, një seri takimesh me demokratët, duke filluar nga qyteti i Durrësit.

Lajmin e bëri të ditur gazetari Besard Jacaj, i cili pyeti lidhur me këtë deputetin e PD-së Ivi Kason (njëkohësisht drejtues politik i kësaj partie në Korçë). Jace e pyeti Kason nëse kjo mund të shihet si një lëvizje kundër establishmentit të PD-së.

Kaso u shpreh se nuk sheh ndonjë lëvizje të tillë, duke theksuar se jehona e madhe ishte më shumë mediatike sesa reale në strukturat e PD-së.

“Foltore ka pasur vetëm një të vetme,” sipas Kasos, siç ishte tubimi i sotëm. Ai shtoi se takimet me demokratët janë normale për figurat e partisë dhe nuk përbëjnë domosdoshmërisht një zhvillim të ri politik.

“Asgjë nuk ka ndodhur në PD që pati një jehonë aq të madhe. Përkundrazi, jehona e madhe i është dhënë më shumë në qarqet mediatike dhe emisionet televizive se sa në PD. Së dyti, nuk shoh një lëvizje establishment, për sa kohë të gjithë emrat që përmendët janë emra të nderuar demokratësh me kontribute dhe të cilët janë gjithashtu pjesë e strukturave drejtuese të PD-së, siç është zoti Salianji, anëtar i kryesisë së PD-së, dhe zoti Alimehmeti, drejtues departamenti dhe kryetar i këshilltarëve të djathtë në Bashkinë e Tiranës, anëtar i Këshillit Bashkiak të Tiranës. Për sa kohë figura të PD-së kanë dëshirë të takojnë demokratët, as nuk ka pse të përbëjë lajm. Është një aktivitet normal politik i një personi me përgjegjësi politike. Pastaj, të ashtuquajturat foltore dhe bashkëbisedime janë më shumë terma gazetareskë se sa terma realë në PD, apo përditshmërinë politike të PD. Foltore ka patur vetëm një të vetme dhe, për vetë natyrën e saj, do të ishte e papërsëritshme.”, tha deputeti demokrat.

Sjellim ndërmend se takimet e Salianjit në qytetin bregdetar do të vijnë pas një takimi të bujshëm në kafe javën e shkuar me Ilir Alimehmetin dhe më të votuarit e tjerë të PD-së në zgjedhjet e 11 Majit, që nxiti debate për lëvizje brenda strukturave të partisë.


SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan