صنهات بن حشر & خالد ال بريك | قلب اليتيم | يارب انا زابنك وانت الملتجى وانت العظيم | حصرياً 2025
Автор: سطام الروقي
Загружено: 2025-04-02
Просмотров: 15614
اشترك في قناة سطام الروقي لتصلك جميع اصداراته الفنيه:
@ulx.77
لطلب التصاميم ونشرها يوتيوب التواصل واتس اب فقط
+966 54 174 7017
حساباتي على التواصل الاجتماعي :
Snapchat: ci.511y
lnstgram: s__tt_m_55
TikTok: ulx.77
--------------------------------------------
كلمات: صنهات بن حشر
آداء: خالد ال بريك
تصميم: سطام الروقي
-------------------------------------------
جميع الحقوق محفوظة
#1_علئ_صفحه_المحتويات_الرائجه_
الكلمات :
الليل وفجوج الخلا والحب والبيت القديم
مفعولها شرً على الانسان مثل الاسلحه "
معها يهيم اللي منول يحسب انه مايهيم "
ويطيح معها اللي ظروف الوقت عجزت تطرحه
احيان ماينجي من اكبر مشكله غير الغشيم
وهو مايسمع كلمة العاقل ولا احدً ينصحه
مير البلا فـ اللي ليا ذعذع من الغربي نسيم
كن الهبوب تفج صدره والطواري تجرحه "
غير الفجوج الخاليه ماعاد يلقاله نديم
ينفض هموم الصدر واللي في ضميره يشرحه
يارب انا زابنك وانت الملتجا وانت العظيم
الصدر مل من المتاعب والعلوم مصلحه
قلبي مثل قلب اليتيم وخاطري خاطر يتيم
ماكل شي يفرح قلوب الاوادم يفرحه "
اقبل على الاطلال واعود وانا حالي سقيم "
حتى المكان يشتت التفكير من حين المحه
يوم اتذكر مامضى كني من اصحاب الرقيم
والا استفيق الا ليامني قطعت المسبحه
ادور لي في حلقةً ماكنها الا حرف ميم
مدري وش الخيره ولا ادري وين درب المصلحه
اي والله اني من سببها اونس وجعها فالصميم
اتقول صدري فوق وقاد الغضاه مفوحه
لكن عسانا مانزل من الطريق المستقيم "
نحفظ مبادينا لو وجيه السنين مكلحه
ولا نخاوي غير من يمشي على النهج السليم
المفلحين يرافقون اهل الوجيه المفلحه
على ابيضً من لمعته كنه يلمع بالكريم
اليا تساوى كن في جنوبه مناكب واجنحه
اليا خشع صوته تقول انك تسمع فالشريم
ماورده عبد اللطيف الا بصفقه مربحه
ماقد درج ويله مابين القادسيه والنسيم
يمره السوام ويعود قبل لايفتحه
لو كان سعره سهل في يدين المواطن والمقيم
في عيوني الثنتين سعره مثل سعر مصبحه
تليته امن اطراف نجد اللي جنوب من القصيم
من فوقه تعد النجوم الساريه والمدبحه
ماقدم خشمه غير شغمومً من مطنخ سليم
في وسط جده ينسف شماغه وينسف مشلحه
ترفع لك البيضا يابن حمدان يالحر العديم
امدحك والطيب ليا من شاع ذكره نمدحه
اتقدّر عيال الرجال وتتعب عيال الحريم "
من فعلك اللي تفعله كفك زهتك الاوشحه
جاهك يحل الراي ويخلص غريمً من غريم
واليا لقيت اللي خرب وضعه قدرت تصححه
ياجعل راسك ياحمد حمدان دايم في نعيم
اللي مثل شرواك جعل الله بفضله يمنحه.
انت الجناب الدمث والوراد والعقل الحكيم
مانته بخبلً كل رااااي يسررحه ويمرررحه
كفك دمار المال وافعالك على الطامع جحيم
منومسً ربعك بفعلك والخصيييم مشرشحه
ربعك سليم ولايذم الطيبين الا الذميم
قبيلتك من خلقة الدنيااا وهي متبجحه
سليم بن منصور سلال المعادي والخصيم
يوم البلاجيك القصار اللي ماهيب مصرحه
اليا ارتفع صوت العزاوي والعجاج تقول غيم
يثنون من دون المغيره فوق سرج ومرشحه
اهل الكرم والجود قدام المضايف في ثليم
هذا مبرك في صيانيهم وذيك مفطحه
تاريخهم مادامت الدنيا يبا يبقا مقيم
ماهوب تاريخً ذعاذيع الهبايب تمسحه
Доступные форматы для скачивания:
Скачать видео mp4
-
Информация по загрузке:
