Ин навраси тоҷик ҳамаро дар ҳайрат гузошт

Неъматулло Бобиев 11-сола дорад ва бо як пой футбол бозӣ мекунад. Коре, ки барои бисёрҳо ғайриимкон менамояд. Ӯ 2 сол боз тамрин мекунад ва дарвозабони дастаи кӯдаконаи “Вахш”-и Ваҳдат аст.

Сангингул Бобиева, модари Неъматулло мегӯяд ӯ аз хурдӣ ба футбол шавқ дошт ва дар хонаву куча футбол бозӣ мекард.
Неъматулло замоне маъруф шуд, ки дӯсташ навори дарвозабонии ӯро дар шабакаҳои иҷтимоӣ нашр кард. Он дар як муддати кутоҳ садҳо ҳазор бинанда пайдо кард. Барои бисёриҳо бо як пой футбол бозӣ кардани Неъматулло ҷолиб ва ҳайротвар буд.

Бисёриҳо дар зери ин навор ба маҳорату кушишҳои Неъматулло аҳсанту офарин хонданд.
Қаҳрамони мо дар миёни дустону ҳамдастаҳояш ҳам соҳибэҳтиром аст. Миёни онҳо робитаи дӯстии хос вуҷуд дорад.
Баъди нашри навори машҳур, Неъматулло дар ҳайати чанд дастаи касбӣ ба майдон баромад. Ӯ мегӯяд, мехоҳад дар оянда футболбози беҳтарин шавад.

Веб-сайт: https://asiaplustj.info
Facebook:   / asiaplustj  
Instagram:   / asiaplustj  
#точикистон #asiaplus