Студенттерді көшеден күштеп ұстап, әскерге жіберу қаншалықты заңды?

Таразда колледж оқушылары оқу орнынан "ұрланды". Сабаққа келген алпысқа жуық жігітті шағын автобусқа тиеп алып кеткен. Жоқ іздеген ата-ана балаларын көп ұзамай қорғаныс департаментінен тапқан. Еш ескертпестен әскерге балаларын әкету әрекетіне ата-аналар қарсы. Сарбаз сапын толтыру үшін көрінгенді көшеден күштеп әкетуге кім пәрмен берген? Әріптесім Нұрадин Рақай көпті әбігерге салған әскерге шақырудың әлегін білді.
Күні кеше колледжге барған оқушылар әскерден бір-ақ шыға жаздады. Айтуларынша, оқу орнына емтиханға дайындықты желеу етіп жиналысқа шақырған. Сөйтсе, алдап соғып автобусқа тиеп алып кетіпті. Полицейлермен із кескен ата-ана ұрланған ұлдарын қорғаныс істер департаментінен тапқан.
СЕЙІТ НҰРАХАНҰЛЫ, ата-ана:
– Желкесінен ұстап бұл баланы неменеге сүйреп әкетіп бара жатыр. Ата-ана осыған қарсы. Бұлар біріншіден баланы ұрлап әкетіп отыр. Әшейін емес. Ұрлап, алдап әкетіп отыр. Ата-анасына еш ескертпеген.
Жоғалған ұлдарын сұрай-сұрай қорғаныс істері департаментіне тірелген ата-ана іштегі ахуалға алаңдайды. Көзбен көрмей көңіліміз көншімейді деп көнбеді. Жарым жолда қалған оқуы не болады деген олар, көрінгенді күштеп әскер сапын толтыруға кім пәрмен бергенін білгісі келді.
Көктемгі, күздегі төрт айлық әскерге шақырту маусымына Жамбыл облысынан жылына 3 мың азамат баруы тиіс. Бұл жоспарды толтыру үшін жергілікті әкімдік пен әскерилер осындай жаңашылдықты енгізіпті. Бірақ шикі тұсы көп болып кеше әкелінген балалар медициналық тексерістен соң бәрі түгел үйіне жіберілген.
ЕРЛАН МАХАНОВ, Жамбыл облыстық қорғаныс істері жөніндегі департамент басшысының орынбасары:
– Балалар медициналық комиссиядан өтті. Мед комиссиядан өткеннен кейін қайтарылды. –Ал балаларды бұл жаққа кім әкелді? Бұл қаншалықты заңды? Білсе бола ма?- Мен ол сұраққа жауап бермеймін. Қайталап айтамын мед комиссиядан өткізіп қайтардық.
Дей тұрғанмен қорғаныс департаментіне жеткізілген оқушылардың арасында ерікті әскерге баруға ниеттілері де табылған.
Армияға барам деген студенттер қолдарына әскерге шақырту қағазын алып кетті. Соңғы емтихандарын ерте тапсыруға департамент басшылары оқу орнына өтініш жібереміз деп отыр.











Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал