Kaspi МейрамханаларKaspi Pay-дегі жаңа сервис

Арнайы серіктес-мейрамханалар мен даяшылар үшін біз жаңа сервис — Kaspi Мейрамханаларды іске қосамыз, оның көмегімен төлем қабылдауды тездетуге, қызметкерлердің жұмысын жеңілдетуге және келушілер беретін шайпұлды көбейтуге болады.

Kaspi.kz-тің басшысы әрі негізін қалаушылардың бірі Михаил Ломтадзе:

«Біз әрдайым өмірді жақсартатын әрі жеңілдететін инновациялық сервистер құруға ұмтыламыз. Кафе мен мейрамхана иелері үшін біз жаңа Kaspi Мейрамханалар сервисін іске қостық, ол клиенттерге жылдам қызмет көрсетуге көмектеседі. Kaspi Мейрамханалар сервисінің арқасында клиенттер өздерінің Kaspi.kz мобильді қосымшасында жай ғана үстелдегі QR-кодты сканерлеп, шотты оңай әрі тез төлей алады. Сондай-ақ жақсы қызмет көрсеткені үшін алғыс ретінде шайпұл қалдыра алады. Бізбен бірге болғаны үшін сүйікті серіктестерімізге рақмет айтамыз!»

Kaspi Мейрамханалар сервисі оңай жұмыс істейді. Сіз Kaspi Pay қосымшасында оған тегін қосылып, әр үстелге бірегей QR-код орналастырасыз. Клиенттер Kaspi.kz мобильді қосымшасында оны сканерлейді, тапсырысы бойынша дереу шот алып, даяшыны күтпей-ақ, оны кез келген ыңғайлы тәсілмен: Kaspi Gold, Kaspi Red+ арқылы немесе Kaspi Бонуспен төлей алады. Сондай-ақ клиенттер даяшыларға шайпұл қалдыра алады. Төлем жасалғаннан кейін тапсырыс мейрамхананың жүйесінде автоматты түрде жабылып, POS-терминалда көрсетіледі, ал даяшыға Kaspi.kz қосымшасына хабарлама келеді.

Kaspi Мейрамханалар сервисі туралы толығырақ Kaspi Гидтен білуге болады: https://l.kaspi.kz/DJ8P235uKjQ