"Rokni Sovet Ittifoqiga birinchi bo‘lib olib kirdim". Davron G‘oipovning katta intervyusi

7 октябр куни узоқ хасталикдан сўнг таниқли поп-рок қўшиқчиси Даврон Ғойипов 61 ёшида вафот этди. Фаолиятини 1978 йилда "Ялла" гуруҳининг бас гитарачиси сифатида бошлаган. Тез орада бутун Совет Иттифоқига танилган Ғойипов ижросидаги "Сен қайдан биласан", “Керак эмас шаҳло кўзларинг”, “Шошмагин”, "Бу нима бу", "Қайдасан" қўшиқлари ўша пайтдаги ёшлар орасида катта шуҳрат қозонган. У Ўзбекистонда Шўролар даврида илк рок гуруҳи “Оригинал”га асос солган санъаткор. Советлар ва Ислом Каримов Ўзбекистонида тақиқ остида бўлган Ғойипов Шавкат Мирзиёев даврида санъаткорлар “қора рўйхатидан” чиқарилганди.

Қўшиқчини яқиндан билган ўзбек шоу-бизнеси вакилларидан бирининг Озодликка билдиришича, Даврон Ғойипов шу йил мартида Сурхондарё вилоятида автоҳалокатга учраган. Ҳодисада умуртқа поғонаси жиддий шикастланган қўшиқчи шундан буён Қарши шаҳридаги касалхонада муолажа олаётган эди. Манбанинг айтишича, аввалроқ Даврон Ғойипов шифохонанинг жонлантириш бўлимига ўтказилган эди.

Даврон Ғойипов 8 октябрь куни ўзи туғилган Урганч шаҳрида дафн этилади.

Даврон Ғойипов вафоти муносабати билан таъзия билдирган Ўзбекистон маданият вазири Озодбек Назарбеков «бугун ўзбек эстрадаси санъати осмонининг яна бир юлдузи сўнди», дея изоҳ қолдирди.

Бундан 2,5 йил олдин Даврон Ғойипов Москвада берган концертидан кейин Озодлик саволларига жавоб берган эди. Ўзбек рок мусиқаси ва санъатининг бугунги куни, ўз тақдири ва сиёсат тўғрисида гапирган Даврон Ғойиповнинг қисқа интервьюси Озодлик саҳифаларида эълон қилинган эди. Бугун биз ўзбек рок юлдузи билан бўлган ўша суҳбатнинг тўлиқ версиясини тақдим этамиз.

🔴 https://t.me/ozodlikkanali kanaliga obuna bo'ling!

🔴 Bizga xabar yo'llash uchun 👉 @ozodnews

7 oktabr kuni uzoq xastalikdan so‘ng taniqli pop-rok qo‘shiqchisi Davron G‘oyipov 61 yoshida vafot etdi. Faoliyatini 1978 yilda "Yalla" guruhining bas gitarachisi sifatida boshlagan. Tez orada butun Sovet Ittifoqiga tanilgan G‘oyipov ijrosidagi "Sen qaydan bilasan", “Kerak emas shahlo ko‘zlaring”, “Shoshmagin”, "Bu nima bu", "Qaydasan" qo‘shiqlari o‘sha paytdagi yoshlar orasida katta shuhrat qozongan. U O‘zbekistonda Sho‘rolar davrida ilk rok guruhi “Original”ga asos solgan san’atkor. Sovetlar va Islom Karimov O‘zbekistonida taqiq ostida bo‘lgan G‘oyipov Shavkat Mirziyoev davrida san’atkorlar “qora ro‘yxatidan” chiqarilgandi.

Qo‘shiqchini yaqindan bilgan o‘zbek shou-biznesi vakillaridan birining Ozodlikka bildirishicha, Davron G‘oyipov shu yil martida Surxondaryo viloyatida avtohalokatga uchragan. Hodisada umurtqa pog‘onasi jiddiy shikastlangan qo‘shiqchi shundan buyon Qarshi shahridagi kasalxonada muolaja olayotgan edi. Manbaning aytishicha, avvalroq Davron G‘oyipov shifoxonaning jonlantirish bo‘limiga o‘tkazilgan edi.

Davron G‘oyipov 8 oktabr kuni o‘zi tug‘ilgan Urganch shahrida dafn etiladi.

Davron G‘oyipov vafoti munosabati bilan ta’ziya bildirgan O‘zbekiston madaniyat vaziri Ozodbek Nazarbekov «bugun o‘zbek estradasi san’ati osmonining yana bir yulduzi so‘ndi», deya izoh qoldirdi.

Bundan 2,5 yil oldin Davron G‘oyipov Moskvada bergan kontsertidan keyin Ozodlik savollariga javob bergan edi. O‘zbek rok musiqasi va san’atining bugungi kuni, o‘z taqdiri va siyosat to‘g‘risida gapirgan Davron G‘oyipovning qisqa intervьyusi Ozodlik sahifalarida e’lon qilingan edi. Bugun biz o‘zbek rok yulduzi bilan bo‘lgan o‘sha suhbatning to‘liq versiyasini taqdim etamiz.

Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |

#ozodlik #uzbekrock #legend #uzbek