KUTURUKA KWEMUDZIMU

Makereke asati avepo, munhu aiti akarwadziwa, vanhu vaifamba semhuri, voona charwadza mwana. Vakanobata kuti mudzimu, vaizoita nhanho dzekugadzira mudzimu uyu kusvika pakuti uturuke.
Kuti mudzimu uturuke paiitwa bira, poridzwa ngoma nembira. Kazhinjizhinji dzimu raituruka. Kana raramba kuturuka paitsvakiwa chikonzero. Kana pakabatwa kuti pane aakasunga mafuko, kusunga mudzimu, yaitove nyaya yaiendesana vanhu kwamambo, zvikabuda seizvozvo nyakushereketa aitoripa.
Dambudziko ratiinaro nhasi nderevanhu vanovanda nechechi, voti ini handiiti zven'anga ndinonamata asi ari iye munhu akaromba mumhuri, obva atsipika mudzimu kuti asafumurwa.
Munhu iyeye anenge achituka n'anga kuti dzakaipa, zvekuti nyaya yekuti ngatifambei semhuri haadi kuinzwa. Anoshandisa chechi kuviga mabasa ake akaipa. Nevana vacho pamwe vanenge vachitsigira mubereki wavo.
Ivo vanenge vakabudirira nehurombwa hwavo, unonzwa vachiti ndinokuroya unei, namatai zvinhu zvikufambirei.
Ndivo vaya vanoti mumusha muno hamuitwi zvemudzimu, kuziva kuti mudzimu ukavepo, unovafumura kuti vakaromba. Vanobva vanyepera kunamata zvekuti unoti haaaaaa, denga riripano.
Ava ndivo vanhu vanotinetsa muchivanhu...
Izvi ndizvo zvinozomanikidzira kushandiswa kwemakwenzi kuti dzimu rituruke nekuti rinenge rakasungwa.