#2025

الحــــمد لله بـــــــدء القول والمختم
ما أوله حــــــمد كـــان الخير بختامه

يقول ابو صـــالح ايماني جرى بالدم
بالله ثم الوطــــــــن بشموخ وكرامة

يا هاجسي قول، فسّر، وضّح المُبهم
وارسل لـ عادل صــديقي عبر أرقامه

سلام خالص لابو قيس المريسي تم
سلام يغــــــــشاه من راسه لـ أقدامه

وقل لــه اني شعيبي من أصول كرم
أفـــــــرح مع الجــــار واتألم لـ آلامه

وبالشعيب افتــــخر بالفخر انا ملزَم
شعيبنا فـــــخر، عزة، مجد، وشهامة

ويزيــــــدني مفخرة شعراءه الأقدم
كمن أديب إشــــــــتهر حبره وأقلامه

ناضل وأثرى مجــالات الأدب واسهم
وســــــــجّل الناس والتاريخ إسهامه

مثل (ابن بلعــــــيد والغلابي) الملهم
و(الصافئي) كل واحد فـ الأدب هامة

كانوا لشعر الشــــعيب اقلام لا تهزم
وإسمهم مرتبـــــــط بالشعر واعلامه

وما يـــــــزالون في علم الأدب مَعلَم
وسوف يبقـــــــون هم قلبه وصمامه

واذكر علاقة بها تشــــــــهد وتترنم
ليالِ وايـــــــام جيل الخير واعوامه

مريس هو والشعيب انساب وابنا عم
واصحاب واخوه وعند الغُرم غــرّامة

وعاد عســـــاف كانت للشعيب تنضم
يا هاجسي قل لـ عادل يسأل اقوامه

من يوم جدي وجــــده للحدود رسّم
وكل واحــــــــد عرف حده وأقسامه

ثلاثة اسهم وعســــــاف رابع الأسهم
لاكن عسفها الامام احــــــمد بالزامه

هذي حقيــــــــقة ولو عساف تتكلم
لا تشهد ان الشعيبي عدل بــــكلامه

وسال حليف شيخها بالشعر ذي قدم
جواب للمعصري وافي ب احــــــكامه

ذي قال عاده من الســــودا لنا ينضم
ومن كذب قال تشهد فيهن اقـــلامه

وصاحبك رد له بالكــــــــيل وتهنجم
ومسجد النور ضمه ضمن أحـــلامه

والدين محسوب من شله في المغرم
يسدده دونما فشره وبرطــــــــــــامه

هذا فقط للذي ما قــــــــد فهم يفهم
ما قصدي ادخل مع غيري بـ دوّامة

واذكر محمد رسول الله في المختم
صلوا على النور مسك القول وختامه

جواب الشاعر عادل محمد المريسي
على الشاعر حسين صالح حسين سلاّم ابو صالح الشعيبي


يقول ابو قيــــــــس حـــيا عد ما رزجم
رعد السماء ورتوا الضــامي من اتلامه

وعدما الحاج لبا بالــــــــــــحرم وحـرم
وتم لله خامـــــــــس ركـــــــــن إسلامه

رحب معي يا مهلا يا كــــــــحيل أحوم
يامن سلب ما ورا قلبي وقـــــــــــــدامه

والروح بك هايمه والقلــــــب بك مغرم
وعقل ابو قيس منك يجــــــني اللهامه

ملكتك القــــلب به تحــــــــكم وتتحكم
ماحد علي دون قلبك يصدر احـــــكامه

يامن كلامك على جرحي كما المــــرهم
وشلت شريان قلبي لك وصـــــــــــــمامه

يابدر سامر معي في وسط ليـــل اظلم
وزاد لافوق حــــــسنك والحــــلا شامه

كم لي مــــــولع بفنــــــــك ياغلاتي كم
يازينة العــــــــــــمر للشــــــاعر ولايامه

في بحــــر عينك لجزل المفردة معجم
وقوس جفنك بصمتي يطلق اســــهامه

وفي شفاتك رحيق الطهــــــر من زمزم
يروي قليبي ويطرد منه اســـــــــــقامه

علمتني بالمـــــــحبه فــــــــوق ما اعلم
ونعم بمن شاقني حـــــــــسنه وهندامه

إذا زمـــــــاني نثرني لشتيـــــــــاقي لم
ون كنت محــــــزون سلاني في انغامه

أنغام مــــــــــــــاهي بريشة عـود تترنم
بل نبــــــض قلبين في حب الوفا هامه

يا توئم الــــــــــروح دام الروح له توئم
رحب معي والشعيبي واجـــــب إكرامه

حياه ابو صـــــــالح البـــــداع ذي صمم
لوحه ونفــــــسه على القيــــفان رسامه

أوجز وفـــــــصل ومهــــجوسه لها بصم
ونا لها ما جحدتو بصـــــــــــــمة ابهامه

بل عادنا معتــــــــــــبرها كنز من منجم
والجيد معروف توقـــــــــــيعه وبصامه

مخــــــوته والصـــــــــداقة عندنا مغنم
ذي قومه اجواد بالوقفات جــــــــــزامه

ماكان ابن الشـــــــــــــــعيبي يوم يتقزم
بل في نظرنا شــــــــموخه يشبه اهرامه

أصحاب ونـــساب وقت السلم والمرجم
جميعنا بالشــــــدد والظيق غــــــــــرامه

ياقزعة الجد يا ديــرة عـــــــــــيال العم
ويا شعيب الجبل والــــــواد ولكـــــــامه

يا أرض فيـــــها الفهود السود والدهسم
رجال يامـــــــا لروس اعــــــــدائها دامه

ياصاحبي حــــــــــــسب قولك كلنا نفهم
ان اليمن كشفها متـــــــــــــسلسل ارقامه

لولا الامــــــــــــامه والاستعمار ذي قسم
صفوف ذا الشـــــــــعب او قامو باعدامه

وحنا سوا بين مــــــن سربل بهم او ضم
في كون ما تختلف شـــــــمسه واجرامه

لا عاد باقــــول لك كـــــــلا ولا انطق تم
بإمر عساف وحرم صاحـــــــــبي زامــــه

إن شي معك فرز يتبع جدك الاقـــــــدم
قدمت دعوا بطين الواد وعــــــــــــرامه

شف عــــــــاد بيضا اليمن تابع لوا مدرم
بالضالع استبدلوها قوم ظـــــــــــــــلامه

ورغم ذا عاد به عنـدي دعـــــــــاوي جم
تجيب دوخه لســـــــــــــــامعها وسوامه

جشم وما ريــــد للأجـــــــــــيال تتشرذم
والدرب ماريد تفخــــــــــــــــيخه ولغامه

وختمها صـــــــــــــل ع اللي للخـلايق أم
والآل جمله وع اصــــــــــــحابه وأعلامه