Жаңа заң! Декретке енді «миллионмен» емес 595 мың теңгемен ғана шығуға болады

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Ақтаудағы ұшақ апаты -    • Ақтаудағы ұшақ апаты  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  

Бүгінгі шығарылымда:
Ертеңнен бастап қазақстандық әйелдерге берілетін декреттік төлем қысқарады. Жәрдемақы 595 мың теңгеден артық табысқа есептелмейді. Болашақ аналар одан артық ақша тапса да декретке қомақты қаражатпен шыға алмайды. Одан бөлек, әлеуметтік төлемді есептегенде бірнеше жұмыс орнынан алатын жалақыны бір арнаға қосуға жол берілмейді. Осылайша, жүктілікке берілетін демалысқа миллионер болып кетемін деген үміт аналар үшін арманға айналмақ.
ОРАЗАЙ НҰРТАЙҰЛЫ, тілші:
Бала сүю қуаныш. Бірақ енді нәресте күтіміне төленетін бір реттік жәрдемақы 600 мыңнан көп табыс табатын әйелдерде қысқарғалы тұр. Өйткені декрет санағанда есепке алынатын жалақыға шектеу қойылады. Негізі Қазақстанда осыған дейін шектеусіз беріліп келген жалғыз әлеуметтік төлем осы декрет қана еді. Енді оған да лимит бар.
Декреттік төлемдерді есептегенде енді ең жоғары айлық табыс деп саналатын сома ең төменгі жалақының жетеуінен аспауы тиіс. Биыл төменгі жалақы мөлшері 85 мың теңге. Сондықтан ең жоғары табыс 595 мың теңге. Яғни, декреттік төлем осы мөлшерге дейін ғана есептеледі. Сонда бір реттік алатын төлем 2 млн 249 мың 100 теңгеден аспайын деп тұр.
Сондай-ақ декрет санағанда бірнеше жұмыс орнынан түсетін жалақыны қосуға жол жоқ. Бұған дейін әйелдерде 2-3 табыс көзін көрсетіп, жүктілік төлемін көбірек алуға мүмкіндік болған. Бұдан бұлай декретке шыққаннан кейін түскен әлеуметтік аударымдар да есептелмейді.
АНУАР МҰХИТОВ, ҚР Еңбек және халықты әлеуметтік қорғау министрлігі басқарма басшысының міндетін атқарушы:
Егер соңғы 12 айдағы орташа айлық кірісіңіз 595 мың теңге болса немесе одан төмен болса әсер етпейді. Яғни, сіздерге жүктілікке және босануға қатысты есептеу дым өзгермейді. Формуласы өзгермейді.
Жұмыс істемейтін әйелдерге де өзгеріс жоқ. Олар бұрынғыша бір реттік жәрдемақы, жөргекпұлын ала береді. Үкіметтің мәлімдеуінше, шектеу декретке қатысты алаяқтық белең алуына байланысты енгізілген.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық