Chikkamagaluru Ride from BLR Part 2 | Baba Budangiri, Jhari Waterfalls & Siri Cafe Ride

Welcome back to Chikkamagaluru Bike Ride – Part 2 🌿🏍️
Day 2 start hua kaafi energy ke saath aur plan tha subah-subah famous SIRI Cafe visit karna. Lekin guess what, waha pahunchke pata chala ki cafe closed tha. Google Maps pe timing likha hai 8:30 AM, par asli me yeh 11 AM ke baad open hota hai. Plus, location bhi thoda off hai Google pe, so locals ki help leni padti hai. Simple tip: agar aap city se Mullayanagiri Peak ki taraf 7–8 km ride karte ho, toh road side pe hi cafe mil jayega.

On the way, humne stop kiya Honnama Devi Waterfall & Temple pe. Thoda darshan kiya aur uske baad wahi pe Maggie khaayi – kyunki bhai pahadon pe Maggie na khayi toh god bhi bura maan jaayenge 😂. Weather ekdum pleasant tha, thandi hawa aur greenery ne ride aur bhi special bana diya.

Next stop tha Baba Budangiri Peak, jaha humne explore kiya beautiful Manikyadhara Waterfall. Yaha ek belief hai ki agar aap mannat maango aur paani ko touch karo, toh wo wish puri hoti hai. Jagah ki vibe hi alag thi, religious aur peaceful dono.

Uske baad hum nikal pade Jhari Falls ke liye. Bike waha park karni padti hai aur Jeep Safari lena hota hai – cost hoga ₹400 for 2 people. Lekin hamari thodi bad luck thi, kyunki barish ho rahi thi aur hum fall ke bilkul paas nahi ja paaye. Fir bhi thoda door se hi enjoy kiya – aur maza aaya.

Evening tak hum thoda tired ho gaye the, lekin plan tha Mullayanagiri Peak bhi cover karne ka. Lekin jaisi hi suna ki waha 500 steps chadhna hai… humne decide kiya kal subah karenge, aur wapas chale gaye apne stay pe.

Day end kiya humne Chikkamagaluru town ke MG Road pe ghoomte hue. Local vibes, food stalls, aur market ka maza alag hi tha.

Day 2 ekdum packed tha waterfalls, peaks aur cafe hunting ke saath. Ab next part me finally cover karenge Mullayanagiri Peak – the highest peak of Karnataka. 🌄


Follow me here:
📸 Instagram:   / asthai_niwasi  
▶️ YouTube:    / @asthainiwasi  
🌍 Facebook:   / worldaroundsam