Mini-matura kl 9-ta Bushat 2025

Mini-matura 2025.
Një moment qetësie pas katër viteve të mbushura me kujtime të bukura, sfida, buzëqeshje dhe rritje. Ky nuk është fundi, por vetëm fillimi i një udhëtimi të mrekullueshëm që po nis për secilin prej nesh— një udhëtim që do të mbajme në zemër përgjithmonë. Shpresoj që kjo miqësi të qëndrojë e palëkundur dhe që gjithmonë të jemi pranë njëri-tjetrit, duke mbështetur dhe ndihmuar në çdo hap të rrugës.

Në këtë rrugëtim të jashtëzakonshëm, secili nga ne ka shfaqur një dritë të veçantë. Doreli, me karakterin e fortë, talentin në futboll dhe humorin e tij të shkëlqyer, ka qenë një shtyllë energjie dhe karizme. Marina, vajza krenare dhe e zgjuar, gjithmonë me këmbë në tokë, ka sjellë vendosmërinë dhe fuqinë e saj

luftarake. Geraldo, i shkathtë dhe simpatik, ka ngjallur buzëqeshje kudo. Fjona, e sinqertë dhe mbështetëse, ka qenë një shoqe e vërtetë. Alesio me kurajën dhe karizmën e tij, gjithmonë pa kokëçarje, ka treguar forcën e vet.Gersa, kaqurrelsja bionde e bukur si lulet e malit, ka sjellë dritë dhe hare. Ensari, intelektuali me fjalorin e pasur dhe batutat që na qeshin zemrën, është bërë frymëzim për të gjithë. Lorena, vajza fantastike dhe e drejtëpërdrejtë, ka përhapur sinqeritet dhe pozitivitet. Dritani, punëtori i zellshëm, ka qenë shembulli i përkushtimit. Ermelisa, modelja e bukur dhe shtatlartë, gjithmonë e gatshme, ka dhënë elegancë dhe stil.

Xhuljana, me shpirtin e saj të mirë dhe sjelljen e ëmbël, dhe Dejvisi, zhurmagji me kurajë për punë, kanë plotësuar këtë

familje të madhe. Andi, djali i disiplinuar dhe punëtor, dhe Brunilda, shtatlartja e kulturuar dhe e bukur, kanë dhënë stabilitet dhe hijeshi. Elda e dashur dhe Erjoni me zemër të madhe, kanë sjellë ngrohtësi dhe mirësi.

Migersa dhe Ana, modelet e vajzave luftarake dhe të vendosura, janë shembuj guximi. Viktore, e zellshme në punë e urte dhe inteligjente, dhe binjakët Gabriel dhe Xhoana, që me lidhjen e tyre të fortë kanë ndriçuar rrugën e të gjithëve. Adrijana, Artemida, Samira dhe Françeska, ndër vajzat më të bukura dhe të sjellshme, kanë zbukuruar çdo ditë.
Jasini dhe Donaldo, punëtorë të zellshëm, ku Donaldo shquhet edhe për zgjuarsinë dhe nderimin ndaj të tjerëve. Nikoli, shoqja që çdo njeri do të dëshironte ta kishte, dhe Klevi, djali i zellshëm me

shumë botë brenda, kanë qenë pjesë e pandashme e këtij grupi. Aleksi, futbollisti i talentuar dhe karizmatik, me shpirt të mirë, ka qenë frymëzim. Dhe Anastazia, lidere e vërtetë, kreative, punëtore, e zgjuar dhe gjithmonë e gatshme për të tjerët, ka udhëhequr me shembull.

Në çdo fund qëndron një fillim i ri, dhe kështu edhe ne, me guximin dhe përkushtimin tuaj, po hapim dyert e një bote të re plot shpresa dhe sfida. Mbajme fort miqësinë që krijuam, sepse ajo është thesari më i çmuar që do te na shoqërojë gjatë gjithë jetës. Ecim përpara me zemër të hapur, me ëndrra të mëdha dhe me besim se së bashku mund të arrijme gjithçka. Faleminderit te gjitheve qe jeni pjesë e kësaj historie të bukur — sepse jeni yjet që ndriçojnë rrugën e së ardhmes!