Festivali i Këngës 64 - Nata e Tretë (19 Dhjetor 2025)

Fest 64/ Sonte nata e “Nostalgjisë”, yjet e muzikës rikthehen në skenë për duetet magjike (Lista e plotë)
Festivali i 64-të i Këngës në Radio Televizionin Shqiptar mbërrin sonte në një nga stacionet e tij më emocionuese: Natën e Nostalgjisë. Pas dy netëve të para konkurruese, skena e Pallatit të Kongreseve do t’i dedikohet historisë, kujtesës dhe perlave që kanë lënë gjurmë në muzikën shqiptare ndër vite.
Kjo natë e tretë është konceptuar si një festë e madhe ku dy breza takohen në të njëjtën hapësirë tingujsh: artistët e rinj pjesëmarrës në garë dhe emrat “big” që kanë bërë epokë në këtë festival.
Hapja dhe surprizat
Spektakli do të nisë me moderatoren Arilena Ara, e cila do të performojë hitin e saj fitues “Shaj”, për t’i lënë më pas vendin një maratone muzikore.
Drejtoresha e Përgjithshme e RTSH-së, Eni Vasili, pritet të përshëndesë festivalin në këtë mbrëmje shumë të veçantë të Fest 64, ku nuk do të mungojë as ndarja e “Çmimit të Karrierës”, një vlerësim për kontributin e dhënë ndër vite në këtë institucion të këngës.
Orkestrimet e reja, histori me frymë moderne
Këngët e pavdekshme si “Këpute një gjethe dafine”, “Jon”, “Vajzat e fshatit tim” apo “Xixëllonjë” etj., do të vijnë të riorkestruara. Tre dirigjentët e Festivalit, Markelian Kapedani, Olsi Qinami dhe Maria Ademaj, garantojnë se publiku do të dëgjojë freski në tinguj, pa humbur identitetin e këngëve.
Rikthimi i emrave të mëdhenj
Skena do të mbushet me emra të dashur si Sidrit Bejleri, Elton Deda, Kozma Dushi, Jonida Maliqi, Gili, Eneda Tarifa, Rosela Gjylbegu, Vikena Kamenica e shumë të tjerë, të cilët do të shoqërojnë konkurrentët e sivjetshëm.
LISTA E DUETEVE TË NATËS SË TRETË:
1. Alis & Anxhela Peristeri – “Jon”
2. Sara Kapo & Eneda Tarifa – “Vajzat e fshatit tim”
3. Lynx & Altin Goci – “Me ty kaq pranë”
4. Rezarta Smaja & Sidrit Bejleri – “Lule të bukura sjell pranvera”
5. Luna Çausholli & Kelly – “Ende ka shpresë”
6. Kleansa & Gili – “Xixëllonjë”
7. Erik Lloshi & Mateus Frroku – “Djaloshi dhe shiu”
8. Gresa & Bledi & Elton Deda – “Nuk kërkoj tjetër njeri”
9. Lorenc Hasrama & Vesa Luma – “Shiu”
10. Evi Reçi & Kastriot Tusha – “Këpute një gjethe dafine”
11. Enxhi Nasufi & Vikena Kamenica – “Flakë e borë”
12. Gerta & Kleiti Mahmutaj – “Valsi i lumturisë”
13. Frensi & Rosela Gjylbegu – “Në moshën e rinisë”
14. 2Farm & Kozma Dushi – “Bardhësi”
15. Inis Neziri & Jonida Maliqi – “Jetoj”
16. Vedat Ademi & Teuta Kurti – “Ti nuk më meriton”
17. Kamela & Orgesa Zaimi – “Sot jam 20 vjeç”
18. Fifi & Tiri & Young Zerka – “Jehon”
Publiku ftohet të bëhet gati për të kënduar dhe kërcyer në një mbrëmje që premton emocione të forta, nën ritmet e këngëve që flasin me gjuhën e kujtesës.

Find us at:
https://www.rtsh.al/

Follow us on social
Follow us and get updates from RTSH on social media:
Facebook:  / rtshqiptar  
Instagram:  / rtshqiptar  
Twitter:  / rtshqiptar  
Tik Tok:https://www.tiktok.com/@rtshqiptar#rtsh

#rtsh #fest64 #nostagji