《新聞女王2》慶功阿佘感觸好成績落淚 Bosco被哄唱歌賠罪：佘咬都唔唱

《新聞女王2》慶功阿佘感觸好成績落淚 Bosco被哄唱歌賠罪：佘咬都唔唱

台慶劇《新聞女王2》於《萬千星輝頒獎典禮》橫掃全場奪得9個大獎，加上外地播映成績同樣優異，呢日台前幕後全體再次集合為好成績慶功，總監製 鍾澍佳 就指要非常感謝於兩輯中出現過嘅每位演員喇。

Man姐 佘詩曼 呢日仲感觸到多次眼有淚光， 黃宗澤 就繼續膊嘴於身邊不斷嘲笑，搞到阿佘哭笑不得，事後仲反擊話要Bosco即場高歌補數，不過佢就話「佘」咬都唔唱，將劇中爭鬥帶到去慶功呀。

今次咁成功，佢哋兩人都話希望再次合作，不過新作就要調轉性格，阿佘要擔當欺凌主腦，蝦返Bosco轉頭喎，Bosco就話激嬲人過足晒癮喇，唔知又有冇機會成事呢？

而 王敏奕 同 吳業坤 呢一對齊齊得獎，佢哋就話年初就有咁好嘅開始非常鼓舞喇，Venus仲話已經同老公慶祝喇。坤哥亦一樣同太太親友為好成績慶祝，雖然早前要備戰馬拉松，不過都決定食咗先講呀。

高海寧 早前生日，不過老友 蔣祖曼 就特別到珠海探班祝賀壽星女，更促膝通宵談心，高Ling就話好難得有咁交心嘅朋友，非常感恩呀。

myTV SUPER免費重溫《新聞女王2》
https://www.mytvsuper.com/tc/programm...

今輯加入嘅 夏文汐 同 袁富華 亦係外界焦點，兩位前輩就指可惜未有對手戲，不過就對劇集宣傳高滲透率非常驚喜，話去到邊都見到自己咁喎。

何廣沛 因為早前宣佈即將成婚，加上成為最佳男配角得主，早前就開始被逗利是喇，不過呢日大家攻勢持續，但係Matthew一句反擊，大家焦點就轉晒去已婚嘅 何依婷 身上，轉頭就連同樣得獎嘅 倪嘉雯 都被牽連，非常搞笑。

詹天文 亦得劇集歌曲獎，佢就指早前返公司向大家派發糕點，仲爆Man姐見到甜點狂攞非常可愛，仲話呢晚有機會要同王敏奕見面傾偈咁話呀。

#新聞女王2 #慶功 #9大獎 #鍾澍佳 #佘詩曼 #黃宗澤 #王敏奕 #吳業坤 #高海寧 #蔣祖曼 #夏文汐 #袁富華 #龔慈恩 #何廣沛 #何依婷 #陳曉華 #倪嘉雯 #詹天文

#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0