Paşinyan saqqalını niyə qırxdı?

Bu həftə Paşinyan yenə öz ampluasında idi. Əvvəlcə parlamentdə danışdı, sonra yeni imicini göstərdi. Yenə dedi ki, Ermənistan Konstitusiyasında Azərbayacana qarşı ərazi iddiası yoxdur. Ertəsi gün söylədi ki, Konstitusiyanın əsaslandığı Müstəqillik Bəyannaməsi ermənilərin faciəsidir. İlham Əliyevlə Kazandakı görüşünün təfərrüatlarından da danışdı. Paşinyan Azərbaycan prezidentinə strateji saziş bağlamağı təklif edib. Sülh sazişi imzalanmadan starteji saziş bağlamaq necə ola bilər? Biz inqilabla hakimiyyətə gələn Paşinyanı tanıyandan dəyişməyən xüsusiyyətləri və görkəmi olub. Bir sözü digərini tutmur, bəzən gülməli görünür, bəzən danlanan uşağa bənzəyir, bəzən baş nazirdən çox kolxoz sədri kimi davranır. Xasiyyəti kimi imicini də dəyişməyib. Saqqalı heç vaxt əskik olmayıb. Son zamanlar həyat tərzini dəyişmişdi. Hər səhərini velosiped sürərək açırdı. İndi imicini də yeniləyir. 2018-ci ildən saxladığı məşhur saqqalı ilə bu həftə vidalaşdı. Günlərdir Ermənistanda Paşinyanın saqqalı müzakirə olunur. Paşinyan niyə yeni imicə keçib? Fərziyyələr çoxdur. Məsələn, bəlkə Bakıya gəlməyə hazırlaşır? Narahatlığına ehtiyac yox idi. Gəlsəydi, biz onu saqqallı da qəbul edəcəkdik. Məncə, Paşinyanın imicini dəyişməyə yox, düşüncələrini yeniləməyə ehtiyacı var. İnsanı görkəminə görə qarşılayarlar, ağlına görə yola salarlar.

Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet