نصائح المخابرات لاختيار الزوجات

حلقات مقترحة
عملية الفراشة
   • المخابرات الأمريكية  
اغتيال السادات
   • اغتيال السادات.. لماذا تجاهل الجيش تحذير ا...  
الجاسوسة مارلين مونرو
   • كيف تخلصت المخابرات الأمريكية من الجاسوسة ...  
أخطر سرقة فى التاريخ
   • السطو المسلح الذى عجزت اليابان عن مواجهته  
جاسوسة الملابس الداخلية
   • جاسوسة الملابس الداخلية  
جاسوس بوتن المفضل
   • جاسوس بوتن المفضل  


فى بداية سنة 1985 المخابرات الأمريكية بدأت تلاحظ ان المخابرات السوفيتية بتوقع رجالتها واحد ورا التانى.. لدرجة ان فى الفترة من 85 لسنة 1994 كانت المخابرات الأمريكية خسرت 100 عملية تجسس.. واتقبض لها على 30 عميل.. اتقتل منهم 10 جواسيس.. لكن ورغم الخسارة العظيمة دى.. إلا إن اكتر واحد وجع المخابرات الأمريكية لما خسرته.. كان الجنرال السوفيتى ديمترى بولياكوف.. وده كان واحد من أهم وأخطر قادة المخابرات السوفيتية فى الوقت ده.. وقدرت المخابرات الأمريكية انها تجنده وتاخد منه معلومات مخدتهاش من حد قبله ولا من حد بعده.. الراجل كان بالنسبة للمخابرات الأمريكية كنز حقيقي.. لكن فجأة.. حد بلغ عنه للمخابرات السوفيتية اللى قبضت عليه وضربته بالنار بدون حتى ما تحاكمه.. شايف النياشين اللى على صدره اد ايه؟.. ومع ذلك طلع خاين واضرب بالنار فى النهاية..
اسمه الكودى فى المخابرات الأمريكية كان جوهرة التاج.. وده بسبب خطورة المعلومات اللى كان بينقلها.. وعلى مدار 25 سنه من التجسس.. كان سبب فى ان المخابرات الأمريكية تقبض على 20 ظابط مخابرات سوفيتى.. و140 عميل قدرت المخابرات السوفيتية انها تجندهم على الأراضى الأمريكية..

وهنا المخابرات الأمريكية كانت هتتجنن.. مين اللى وقع رجالتها؟.. مين اللى خسرها أهم مصادر معلوماتها؟.. مين اللى ضيع عليها شغل سنين فى تجنيد اكتر من 30 عميل والتخطيط لأكتر من 100 عملية كلهم فشلوا؟.. هل المخابرات السوفيتية قدرت تزرع أجهزة تنصت فى مكاتب قادة المخابرات الأمريكية؟.. هل قدروا يفكوا شفرات التواصل بين المخابرات الأمريكية وبين عملاءها؟.. هل قدروا يجندوا حد من ظباط المخابرات الأمريكية نفسهم؟.. محدش عارف.. لكن غالبا الإجابة مش هتخرج عن الـ 3 استنتاجات دول.. وهنا بدأت المخابرات الأمريكية تدور على الثغرة.. الثغرة اللى قدرت من خلالها المخابرات السوفيتية.. انها تخترق المخابرات الأمريكية وتوقع رجالتها واحد ورا التانى.. ايه اللى حصل؟.. هحكيلك..


من المصادر
https://bit.ly/3UdPcOP
https://bbc.in/2DzIrkd

#المواطن_سعيد
#المخابرات