САПАСЫЗ ЖОЛ МЕН ДҰРЫС ҚОЙЫЛМАҒАН ТАРАЗЫҒА ХАЛЫҚ МИЛЛИОНДАП АЙЫППҰЛ ТӨЛЕУІ КЕРЕК ПЕ?!

Арыс маңындағы жүк көліктеріне арналған автоматтандырылған таразы жүйесі жүргізушілердің ашу-ызасын тудырды. 26 шілдеден бастап қосылған бұл қондырғы халыққа әділдік емес, заңсыз айыппұлдың құралы болып отыр. Жүйенің өлшеулері күмәнді, құжаттары күңгірт, ал айыппұл сомасы миллиондап жазылуда.

Жүргізушілер бір нәрсені ғана қалайды – заң талаптарына сай, ашық әрі әділ жүйе. Бірақ қазіргі жағдайда таразының нәтижесіне сену мүмкін емес. Бұл – кәсіби сараптамаға, мемлекеттік тексеріске мұқтаж өткір мәселе. Себебі көлік иелері «қосымша салмақ қосылды» деген желеумен жазаланса, демек, заңсыз табыс көзі жасалып отыр деген сөз.

Халықтың ашуындағы сұрақтар әлі де жауапсыз: бұл қондырғы халықаралық стандартқа сай ма? Оны қабылдап, қолданысқа енгізгендер қандай жауапкершілік арқалайды? Миллиондаған айыппұл кімнің қалтасына құйылуда? Бұл сауалдар жауапсыз қалса, қарапайым жүргізушілер ғана емес, тұтас құқықтық жүйеге деген сенімге сызат түседі. Ал бұл – жай ғана таразы емес, мемлекеттің әділеттілікке деген ұстанымының таразысы.

Бұл мәселе – жай ғана шағым емес. Бұл – азаматтардың конституциялық құқығының өрескел тапталуы. Біз бұл жолы жүргізушілердің жанайқайын ғана емес, заңсыз айыппұлдардың артындағы шенеуніктік бейқамдықты әшкерелейміз.

👉 Бас прокуратура! 👉 Көлік министрлігі!
Халықтың көз жасын көрмейсіздер ме? Бұл істі дереу тексеріп, заңсыз айыппұлдарды жойып, кінәлілерді жауапқа тартпай, әділдік орнамайды!

Әділдік іздейміннің жаңа шығарылымын көріңіз – бұл жолы біз заңнан аттағандардың көлеңкесін ашып, қарапайым жүргізушілердің шындық үшін күресін көрсетеміз!

📲 Байланыс: +7 701 186 38 38
🎥 Жоба ақылы. Демеушінің көмегімен түсірілді.

#ӘділдікІздеймін #АйгүлОрынбек #Жолмәселесі #Арыс #Автовесы #Автотаразы