باب الطهر | ميرزا مظاهر الشناف

باب الطهر

أداء الرادود
ميرزا مظاهر الشناف

كلمات الشاعر
رضا بالعيس

مكساج
حسن مرهون

مدير التصوير
ميثم الضيف

تصوير
قاسم بوشفيع
أحمد الرشيد
سجاد الدليم
محمد قاسم المبارك
علي البراهيم
عبدالهادي بوشفيع
حسن الزمامره

مونتاج
السيد علي الهاشم


يُهدى ثواب هذا العمل إلى روح المرحوم عبدالله حسن البراهيم
وإلى أرواح من فقدناهم من أهالي الفريج الشمالي، وإلى أرواح من لا وارث له، ولجميع المؤمنين والمؤمنات

انتاج
موكب الجعفرية

__________________________________

ابّاب الطهر... عفت العمر.... عد فاطمه أمانه
بگدّ العلل... عندي أمل... يمها يظل أمانه

عايش عزاء الباب، عمري اعله بابه
دمعاتي للزهراء: دعوه مُجابه

____________________
(١)

بدنيا ظلمه وظالمه
سنيني ابچف فاطمه
الماضيه و القادمه...استودعتها

عايش و دون اتجّاه
دمعة الضلع و دماه
ابّاب مرضاة الإله... استودعتها

معتم الكون و دمع عيني مصابيح
شاني يتعلّى اذا من جفني ايطيح
الصرخه لآهات الزجيّه امن التسابيح
أحزن لحزن أم حسن، و الامي تزيح

قِبلة قلب... فوق الحجب ... فاق الشمس ضياها
بدنيا الوهم... ما يبقى هم ... من أوگف بعزاها

انا اللي بالاحزان، تسهل صعابه
دمعاتي للزهراء: دعوه مُجابه
____________________
(٢)

انتثر شبه القرط
و يمها أوزاري تحط
المُنية خادم و ارتبط... بالزچيّه

حزني بالسر و العلن
لعلّة اضلاع أم حسن
كل سكوني و السكن... بالزچيّه

شما كبر ثقل ابتعادي و الجنايات
بـ(أمْ أبيها) المغفره تسطّر حكايات
واقف سنيني بعتبها و مالي غايات
يكفي تنظرني بعزا بكل الروايات

يكفيني بس ... يبقى النفس... وقف العزا الزچيّه
انا العدم ... الصار: الخِدَمْ ... بدمعه على الرزيّه

جفني حكاية نوح، عَنْوَن كتابه:
دمعاتي للزهراء: دعوه مُجابه
____________________
(٣)

بالنفَس ويّه النفِس
ويّه كل طلعة شمِس
فاطمه بالرحمَه أحِس ... تحتويني

مهما أضيع، و مهما أشِت
منهلي مهما اعطَشِت
هم جفنها شما عشِت ... تحتويني

يستقيم بمجلس البضعه انحنائي
أعتنيها و ينكشف عنّي عنائي
بامتحان اخلاصي من زلّة ريائي
أقرا ( يا ممتحنه) و تمحي بلائي

بأمّ الحسين...امن المخلَصين.... لو أعتنيها أنعد
يصدّ الرياء... سيل العطاء... من چف بنت محمّد

حولي الفتن صحراء، و هيّه السحابه
دمعاتي للزهراء: دعوه مُجابه
____________________
(٤)

بالتنقّي كل خبيث
امن التغثني استغيث
بفي كساها و الحديث... عمري محروس

بجفن عيني منطبع
مدمعي لاجل الجذع
لهذا أصبح بالضلع ... عمري محروس


شما أديرن ناظري بين الزوايا
ألقى ألطاف الزچيّه و العطايا
بركعتين الاستغاثه امن البلايا
لفاطم اتخطّى متاهات الخطايا

هيّه الأصل ... الماحد يصل ... عشر الّذي تقدمه
بكل الجهات... مصدر هِبات... توزّعها نعمه نعمه

لكل شدّه حين تضيق،هيّه الرحابه
دمعاتي للزهراء: دعوه مُجابه
____________________
(٥)

يرتوي قلبي الظمي
بالبكاء الفاطمي
يم عتبها أرتمي ... شاني يعلى

الأقرب شما ابتعد
ألتهي و عنها أصِد
بدمعي لآثار العضِد ... شاني يعلى


تلمني و ترتب شتاتي شما تبعثر
و القليل اويّه الزچيه يصير الأكثر
بيها تسديد الخطى لو جدمي يعثر
ما يحاصرني العطش و الزهره كوثر

غوث الغريق... نِعمَ الطريق... للغارق بذنوبه
نهر الحياة... بيها النجاة... تسقي الخلق عذوبه

چفها نبع رحمات،يروي انسكابه
دمعاتي للزهراء: دعوه مُجابه

_______________________
رضا عبدالمحسن بالعيس