演藝人協會春茗丨與黎宣江圖奪首屆傑出演藝大獎 余慕蓮感觸落淚

演藝人協會春茗丨與黎宣江圖奪首屆傑出演藝大獎 余慕蓮感觸落淚

香港演藝人協會事隔三年，早前復辦春茗茶聚，過百會員參予，除咗有咗大抽獎外，今年協會仲增設咗傑出演藝大獎，表揚前輩過去多年為演藝界付出寶貴青春同貢獻，今年三位得主分別係余慕蓮、江圖同黎宣。入行多年嘅余慕蓮一直未曾奪得任何演藝獎項，所以呢日佢喺會長古天樂手上接過獎項時即感觸到落淚，仲多謝會長古天樂照顧佢哋呢班老人家，而台下即傳嚟「係應得㗎」嘅叫聲。

事後魚毛姐接受訪問時，話宣佈佢得獎一刻真係相當驚喜，仲話會將何獎座放喺廳中。2020年魚毛姐患上肺纖維化，一度要喺深切治療部留醫，雖然出院後行路要用步行架輔助，但魚毛話而家自己身體狀況尚算OK，佢又指之前入ICU時已經有最壞打算，諗住自己出唔返嚟，所以而家康復出院佢相當感恩，仲話而家平日會叫外傭姐姐陪佢去行公園，以防止肌肉收縮，間中又會去踩吓單車機，相當健康。

副會長余安安，早前就將獎項送到去現年92歲嘅黎宣家中，余安安見到黎宣先同佢講好耐冇見，而精神飽滿嘅黎宣姨，就眼仔睩睩咁用手拍拍安安姐隻手，不停咁話：「係呀係呀。」之後安安姐就獎個獎座頒獎畀黎宣姨，又將張敬軒送贈嘅手機同古天樂封嘅利是送上，令黎宣開心得對鏡頭O嘴，相當可愛。

而另一位得獎者、86歲嘅江圖，就喺春茗上由古天樂親自頒發獎座，佢事後接受訪問時，表示自己雖然已退休，但係對演出仲樂有熱誠，仲話將來有機會嘅可以叫佢演出呀。

#香港演藝人協會 #傑出演藝大獎 #余慕蓮 #黎宣 #江圖 #古天樂 #余安安 #張敬軒 #春茗
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0