Zob xəstəliyinin müayinə üsulları hansılardır?

Zob xəstəliyinin müayinə üsulları əvvəlcə xəstə ilə söhbət, dinləmə daha sonra boyun nahiyəsində qalxanvari vəzin əllənməsi ilə başlayır. Biz müəyyən bir fikrə gəldikdən sonra diaqnostik məqsədlə laborator qan analizlərini istəyirik. Əslində qalxanvari vəzi xəstəliklərinin diaqnostikası sadədir. Bir qan analizi və ultrasəs müayinəsi bizə müəyyən bir fikrə gəlmək və diaqnoz qoyulması üçün yetərli olur. Hormon tarazlığının mütləq həkim tərəfindən dəyərləndirilməsi lazımdır. Hormon analizləri qalxanvari vəz xəstəlikləri üçün çox vacibdir. Hormon analizləri aparılmadan müalicə aparılması və diaqnoz qoyulması mümkün deyildir. Daha sonra biz xəstə üçün ultrasəs müayinəsi edirik. Qalxanvari vəz xəstəliklərində ultrasəs müayinəsi mütləqdir. Biz bu zaman qalxanvari vəzinin vəziyyətini, parenximanın quruluşunu, içəridə gizlənmiş düyünləri, onların onkoloji riskləri varmı-yoxmu deyə baxa bilirik. Daha sonra xəstə əgər əməliyyat olunan bir xəstədirsə əməliyyatdan sonra xüsusi qan testlərimiz vardır ki, bunun üçün xüsusi onkoloji markerlərimizlə xəstəni izləyirik. Bəzi ciddi qalxanvari vazi xəstəliklərində kompyüter tomoqrafiya, maqnit rezonans tomoqrafiya, bəzən digər ixtisas həkimlərinin müayinəsi, konsultasiyası da lazım ola bilər. Qalxanvari vəz xəstəlikləri əslində kompleks bir yanaşma tələb edən bir heyət, komanda işidir.