YARAT’da baş tutmuş “Xitab” lahiyəsinin 3-cü tədbiri

Qoca yaşda bir qəriban yatağında can verirdi
Günəşin də son şuası otağında can verirdi

Bu bəzəkli kainatın pozulub gedirdi sehri
Ona can verən gözəllik qabağında can verirdi

O xəyal ki körpəlikdən böyüdürdü gözlərində
Düşüb ehtiraslı ömrün qucağında can verirdi

Dilə yatmayan həyatın danışırdı, sanki hər söz
Boğulurdu sinəsində, dodağında can verirdi

Bəbəyində kirlənirdi üzü bir müqəddəs eşqin
Səsi batmış əlvidalar qulağında can verirdi

Son ümidi gözlərindən süzülürdü yorğun-arğın
Quruyurdu damla-damla yanağında can verirdi

Mən ölüb gedəndə, Pünhan, desə bir nəfər bəsimdi Bu ki ölməmiş həqiqət sorağında can verirdi.

_____________________________________________

Biri hər rəqəmdə gördüm belə vəhdət oldu kəsrət
Ona çevriləndə hər şey dönəcək vüsala həsrət

Oxunuşda ayrı səsdi yazılışda müxtəlifdi
Götür ayrı-ayrı hərfi hamısında sirr əlifdi

Yığılanda eyni zəncir açılanda halqalardı
Çəkiləndə eyni ümman qabaranda dalğalardı

Üzüm ayrı-ayrı salxım əziləndə bir şərabdı
Bölünən səhifələr də yığılanda bir kitabdı

Yerə şölə-şölə gündən süzülən şuadı aləm
Üfürüb Xuda özündən yeriyən nəfəsdi adəm.

Pünhan Azim

_____________________________________________

Xitab layihəsinin 3-cü tədbiri 2024

Punhan Azim Rəsmi YouTube kanalına xoş gəlmisiniz.
Kanalımız Pünhan Azimin nəzarəti altında xiridarı tərəfindən idarə olunur.
Kanalda yerləşdirilən bütün video və audio materialların müəllif hüquqları qorunur.
Paylaşılan materialların başqa kanallara yüklənilməsi qəti qadağandır, əks halda kanalınız YouTube tərəfindən şikayət olunaraq bağlanacaq.

®️Punhan Azim
©️Esa Muzik

#meyxana #punhanalatavali #punhanazim #2024