Britaniya telekanalida Oʻzbekiston haqidagi film premyerasi

Strategik islohotlar agentligi tashabbusi bilan Turizm qoʻmitasi bilan hamkorlikda “UZBEKISTAN THE GOLDEN ROAD” nomli hujjatli film yaratildi. Kartina Buyuk Britaniyaning “SandStone Global” kompaniyasi tomonidan taniqli olima va yozuvchi Bettani Xyuz muallifligida suratga olingan. Unda mamlakatimiz tarixi va tabiati zamonaviy kinoeffektlar orqali yoritilgan.

Film premyerasi ertaga, 18-oktyabr kuni London vaqti bilan 19:00 da, Toshkent vaqti bilan 23:00 da Britaniyaning “Channel 4” telekanalida boʻladi. Keyinchalik “TREASURES OF THE WORLD” seriali doirasida boshqa xalqaro telekanallar va internet orqali ham namoyish etiladi.