Top Channel/ Gruaja vdes pas lindjes së fëmijës, ndërroi jetë në maternitetin e Tiranës

Pas humbjes së jetës së një 34-vjeçareje pas abortit, një ditë më parë në maternitetin e Elbasanit, një tjetër grua ka humbur jetën mëngjesin e kësaj të mërkure në maternitetin “Koço Gliozheni” pasi kishte lindur foshnjën e saj dy ditë më parë.

Top Channel ka mësuar se gruaja nga Fieri me iniciale M.V. vetëm 31 vjeç kishte kryer lindje natyrale ditën e shtunë në maternitetin “Koço Glozheni”.

Ajo ka qëndruar në maternitet bashkë me foshnjën e saj të parë dhe ka dalë nga materniteti ditën e hënë, pas 48 orëve nga lindja.

Top Channel kontaktoi drejtorin e këtij materniteti, dr. Genci Hyska i cili sqaroi se gruaja ka lënë ambientet e maternitetit me insistimin e saj për të cilin edhe ka firmosur, pasi nga ekipi i mjekëve i është kërkuar të qëndrojë.

Por vetëm një ditë më pas , të martën rreth orës 20:00 gruaja është rikthyer në maternitet me shenja depulese dhe është reanimuar menjëherë duke i dhënë mjekimet e nevojshme.

Fatkeqësisht ajo ka humbur jetën mëngjesin e kësaj të mërkure.

Mjekët dyshojnë se vdekja mund të ketë ardhur për shkak të trombombolisë, pasi përjashtojnë mundësinë e hemorragjisë së brendshme.

Por trupi i së ndjerës është përcjellë pranë mjekësisë ligjore edhe pse familjarët në fillim nuk kanë pranuar.

Vetëm autopsia do të nxjerrë shkakun e vërtetë që çoi ne fatalitet një nënë të re 31-vjeçare pasi solli në jetë fëmijën e saj të parë.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Maternitet#Elbasan#TopChannelNews