7. 450+24 (OFFICIAL MUSIC VIDEO)

Ida nee mak EL CHAPO nia múzika dahitu neebe mak ho títulu 450+24, no múzika nee mos inklui hotu iha EL CHAPO nia album CHAPOS EFFECT.


Múzika ida nee rasik nia títulu mak 450+24, tamba saida mak tau nia títulu hanesan neeba? Títulu nee rasik iha signifikadu ida neebe klean tebtebes.

450 (atus haat limanulu) nee refere ba tinan okupasaun husi forsa Portugues sira nian iha Timor-Leste.
24 (ruanulu resin haat) nee refere ba tinan invasaun tropas indonezia sira nian iha Timor-Leste.
Atu konklui deit katak 450+24 nee hanesan tempu nakukun no sofrimentu terus neebe mak uluk ita nia maluk Timor oan sira senti.

Múzika ida nee hanesan múzika neebe atu fo omenajen ba ita nia Heroi sira no mate restu sira neebe mak uluk luta ba ita nia ukun rasik an, tamba sira mak ohin loron ita bele goza liberdade husi independensia ida nee.

No ami foti konseptu Masakre Santa Kruz (12 novembru 1991) nian ba múzika ida nee ho razaun tamba momentu refere mak halo mundu loke matan hodi hatene no rekoñese katak Timor-Leste durante nee sofre terus makaas.

Espera katak maluk sira bele senti no komprende letra sira husi múzika ida nee.


Domin boot husi familia EL CHAPO❤️




Song Credit

Tilte : 450+24
Album : CHAPOS EFFECT
Artist : M'Brines x Double C
Songwriter : Double C
Producer : Sanloco
Mixed and Mastered : Sanloco
Dirrected : Flex Production


Special Thanks to :
Mrs. Domingas da Costa Gomes
Mrs. Erminia M. R. de Carvalho
Mrs. Vanessa Leong
Flex Production