مؤثرين في 2022: مؤسسة هنداوي

جملة "أثر الفراشة" بتتقال عن حدث أو حاجة تبدو صغيرة أوي بس بسببها بيحصل تأثير كبير! هل أنت مؤمن مثلا إن حبة رمل واحدة ممكن تغير العالم؟ إجابتك هتكون لأ، بس كاتب هذه السطور، اللي أنت في الأغلب متعرفوش، مؤمن إن كتاب واحد ممكن يفتحلك بحر من القراءات والمعارف المختلفة اللي تكون سبب في تغيير حياتك. على الأغلب فريق مؤسسة هنداوي الثقافية بيشاركنا في الإيمان ده.


مؤسسة هنداوي الثقافية هي الجهة اللي بتشتري حقوق أهم الكتب العربية وتقدمهالك بكل بساطة مجانا على موقعهم الإلكتروني! كتب وروايات قديمة وجديدة ومنها اللي صعب تلاقيه في أي مكان تاني أو دور النشر توقفت عن طباعتها، كلها بتتوفر للقراء مع الحفاظ على الحقوق القانونية لكل أصحاب الحق. وفي 2022 قدروا يوفروا الأعمال الكاملة لنجيب محفوظ في خطوة غير مسبوقة. لو ده مش تأثير فأكيد كلمة "تأثير" بتفقد أي معنى ليها.


ولأول مرة تقريبًا في مصر بيتم إقامة عمل خيري ثقافي، يعني تعمل خير وترميه البحر بس في مجال الثقافة. ممكن حد يقول طيب وليه مالكتب متاحة مسروقة؟ لكن المختلف هنا إنك بتدي الحق للكاتب والناشر وكمان للقارئ إنه يعرف المعلومات وفي 2019 موقع مؤسسة هنداوي كان عليه 8 مليون زيارة، والعدد ده اتضاعف في 2020، 21، 22 عشان يبقى 17 مليون زيارة لناس عايزين يقروا ويعرفوا معلومات ويزودوا معارفهم.
خلال بحثنا عن أهم المؤثرين في 2022، قابلنا عمرو نور الدين، المتحدث الإعلامي باسم المؤسسة واتكلمنا معاه بشكل أكبر عن مشروعهم العظيم.

#مؤثرين_في_2022

تابعنا على:
Facebook:   / elfaslaonline  
Twitter:   / elfasla  
Instagram:   / elfaslaonline