🔥🔥 عشاشيق المراجل | خوته تاجً على الراس وحزامً جويد | نايف غازي | خالد آل بريك | حصرياً 🔥🔥

اشترك وفعل التنبيهات في قناة المصمم ثامر بن محسن الرسمية للحصول على الجديد

حصرياً 2021
‏Exclusively 2021

الأبيات :

دايم ومبدى القصيده عسر مار الاكيد
يدفع الشاعر نجاحه في حال الموهبه

للفرايد منجم افكار والنادر يفيد
فالنظم ولا لاقامت صفوف الملعبه

وفي حياتي ماشغلني مثل بدع القصيد
ايتشت فكر راسي ليا جيت اكتبه

اسبح بحوره وادوّر على الطرق الفريد
انتقي من ندره والهزيل اجنبه

مثل قناص(ن) على وزنة عياره يصيد
بندقه الها عوايد قبل ومجربه

عن هدفها ما تزم ومراميها بعيد
كل ماثارت تجيب المراد وتكسبه

وانا ماغنيت مبطي وماعندي جديد
وان وردت آرد وصدّر من الشعر اعذبه

دون وجهي ماتعذر مثل عذر البليد
اللي عذره ماتعرف المطاليق سببه

كيف ماغني وهاليوم عندي يوم عيد
الفرح هلت تباشيره وزاد رحبه

في زواج اللي اعده لي احزام ورصيد
باديً فالطيب مثل النجوم المرقبه

محمد اللي تحمد افعوله وذكره حميد
مثل اخوه سعود من بينه وبينه شبه

ينطح الكايد ومن عزمه يلين الحديد
لو يقف قدامه الموت باجه وضربه

امدحه ورفع بصوتي وكررها و اعيد
والله المعبود ماعده الا اخو ارقبه

خوته تاجً على الراس وحزامً جويد
يوم غيره خوته مثل جرح الكهربه

الخطر حادث منه كل ماحرّك يزيد
ودك ان عليه لوحه وخطين ( انتبه )

ويامحمد جعلك تعيش فالدنيا سعيد
ياولد شيخً سنام المراجل مطلبه

مثل ما عامر محلّه عسى عمره مديد
مستهم المدح مرزوق من طيب انسبه

متيهن سحج العشاير ومزبان الضديد
والنعم من فعل يمناه م جت له هبه

من عشاشيق المراجل هل المجد التليد
يوم كل(ن) دون ربعه حزامه يكربه

الخراريص الدهايا هل الراي السديد
واهل رمحً بين حدب الحنايا مضربه

عزوتن يدرى غضبها وتاصل ماتريد
حدهم من دونه الموت محدن يقربه

مقدم الروقه هل الخيل والباس الشديد
نارهم فالحرب روس المعادين احطبه

فزعت البل كل ماطق حيدً راس حيد
وقام كل(ن) ف ابن عمه يصيح ويندبه

وانا ربعي درع جنبي مطوّعة العنيد
افنو الاتراك وجمعوها دون تربه

البقووم اللي على الزايد تقول وتزيد
قالها اللي يحمي العلم في سد شنبه

لطلب تصميم : 0542722665(واتس اب فقط)


لمتابعة المصمم ثامر بن محسن عبر التواصل الاجتماعي

‏Snapchat   / hj.9ii  

‏Instagram https://instagram.com/r.ueu?r=nametag

للتواصل عبر الواتساب دايركت📬 :
Whatsaq https://wa.me/message/EXJS3ZMW6XJWB1

قناة ثامر بن محسن الرسمية