MIR TAKALLUM NAUHA 2025 | SHEH NE HAR ZARB PE MAQTAL MEIN PUKARA ABBAS | NAUHA BY SHABBIR ALI KHAN

Shaay na har zarb pe maqtal mein pukara Abbas (as).
Written by Mir Takallum Mir (Pakistan) for Anjuman-e-Masoomeen (as), Hyderabad, India.
Recited by Nouhakhwan Anjuman-e-Masoomeen (as)
Special Thanks to Ali Hussain bhai (Australia)

Shaay na har zarb pe maqtal mein pukara AbbasZibah karta hai sitamgar, hama pyaasa Abbas

1.Phir woh sujhe hue baazu nahin dekha jaate
Mujhse un aankhon mein aansu nahin dekha jaate
Mera maqtal mein chali aayi hai Zehra Abbas

2.Kaun hoon main zara in sab ko bata do bhai
Khoon peshaani se behta huva dekho bhai
Abhi pathar kisi zaalim ne hai maara Abbas---

3.Ali Akbar ki qasam maari hain neezon ki anni
Amma Zahra ki qasam kar diya chhalni chhalni
Pasliyan toot gayi hain meri bhaiya Abbas---

4.Ek qayamat dil-e-bekas pe guzar jaayegi
Zibah hotay hue dekhegi to mar jaayegi
Aane wali hai yahan baali Sakina Abbas---

5.Koi neeza to koi teer liye aata hai
Koi pathar to koi teer liye aata hai
Maarne walay hazaron mein akeela Abbas---

6.Zibah se pehle hua zibah Muhammad ka pisar
Ae mere sher zara Khuli se poocho jaa kar
Kya tamanchay ke liye tha mera chehra Abbas---

7.Ehtaraam apne baradar ka kiya karte the
Tum to na'layn meri sar pe rakha karte the
Gir gaya khaak pe ab mera amaama Abbas---

8.Bhai ke halaq pe chalti hai sitamgar ki chhuri
Jaa ke de de meri Zainab ko tasalli koi
Kuch qadam door hai bas Saani-e-Zahra Abbas---

9.Zair-e-khanjar thi takallum Sheh-e-Wala ki pukaar
Qatl ke baad bhi yeh zulm karenge kuffar
Abhi lut jaayega mazloom ka laasha Abbas